مخرج "ستات قادرة" يكشف كواليس العمل مع هياتم في المسلسل قبل وفاتها
مخرج "ستات قادرة" يكشف كواليس العمل مع هياتم في المسلسل قبل وفاتها
- المخرج أحمد عاطف
- صراع مع المرض
- فريق العمل
- هياتم
- ستات قادرة
- المخرج أحمد عاطف
- صراع مع المرض
- فريق العمل
- هياتم
- ستات قادرة
نعى المخرج أحمد عاطف، رحيل الفنانة الكبيرة هياتم، التي وافتها المنية منذ قليل بعد صراع مع المرض.
وكتب عبر حسابه الشخصي "فيسبوك": "كانت صديقة وأخت عزيزة .. وكانت من أهم أسباب نجاح مسلسلنا ستات قادرة.. من أجمل الناس اللي اشتغلت معاهم في الوسط الفني.. دايمًا تيجي في معادها وقبل معادها كمان بساعة على الأقل.. هي اللي بتعمل لنفسها شعرها ومكياجها.. حافظة المشهد بالحرف بما فيه كلام زملاؤها.. بسبب الخبرة الطويلة والأخلاق العالية".
وأضاف عاطف، "فهمها لتعب المخرج وفريق العمل في المسلسل، لا يمكن يصدر عنها أي تصرف غير مقدر لجهدهم.. دايمًا بتساعد الممثلين اللي قدامها لو مرتبكين أو متوترين أو مش حافظين.. وأحسن حد تلاقيه مقدر الظروف الانتاجية".
وأوضح مخرج مسلسل "ستات قادرة"، أن هياتم "تقبل تقعد في غرفة ممثلين مع زميلة أصغر منها ولا تبحث عن الرفاهية في اللوكيشن.. ومعاهاش غير المساعدة بتاعتها مش جرة جرمق وراها مالهمش أي تلاتين لازمة.. وتعمل أي مشهد مطلوب منها حتى لو أكشن.. وتقع على الارض و تتدألج و هدومها تتغرق بالدم الصناعي وتنفذ أي حاجة عايزها المخرج".
وتابع حديثه، "لو عندها ملاحظة في أي شيء تستنى وقت أنت فاضي فيه في البريك مثلا وتيجي تقولها بكل ذوق واحترام حريصة على عدم تجاوز حدودها بكل احترام لدورك كمخرج.. لسانها نضيف ولا يمكن تشوفها بتشتم مخلوق حتى اللي مضايقة منهم.. ست زي البرلنت فعلًا وممثلة جبارة وإنسانة محترمة.. ربنا يرحمك على قد محبتك لخلق الله".
