عمال فى محطة بنزين يحتفلون بعيد ميلاد عميلة: محبة الناس رزق

09:13 م | الأحد 08 يوليو 2018

عندما يحتفل زملاء العمل بعيد ميلاد أحدهم فى مقر العمل، فهذا أمر عادى ويحدث باستمرار فى مقرات العمل المختلفة، لكن غير العادى هو قيام عمال بمحطة بنزين بالاحتفال بعيد ميلاد إحدى الزبائن، خاصة لو كان الاحتفال داخل المحطة وفى ذروة العمل.. هذا ما حدث فى يوم عيد ميلاد الدكتورة منى العقاد، استشارى أمراض السمع والاتزان، التى ما إن دخلت محطة البنزين القريبة من منزلها فى المنيل، حتى فوجئت بالعمال يقفون فى انتظارها للاحتفال بعيد ميلادها.

علاقة مختلفة تمتد لأكثر من 5 سنوات، تجمع «منى» مع عمال المحطة، بدأت بمساعدتها لأحدهم ويدعى «رمضان»، الذى عرفت أنه موهوب فى رسم وجوه وأشكال بالصوصات المختلفة على الأكلات والمشروبات، فقررت أن تساعده بنشر نماذج من أعماله على «جروب» على «فيس بوك»، خصصته لنشر مواهب عمال محطات البنزين: «حبيت أساعدهم وأرفع من روحهم المعنوية، ومن هنا بدأت علاقتى بيهم وبقيت مقربة منهم، عشان حسوا إن فيه حد مقدر ظروفهم وموهبتهم مش مجرد شخص بيجى يفول عربيته ويشرب قهوة وخلاص».

فى شهر رمضان تحرص «منى» على تخصيص يوم للإفطار معهم داخل المحطة: «فكرة عيد الميلاد جميلة وبسطتنى خاصة إنى مش بحتفل بعيد ميلادى، لكن قدرت إنهم جمعوا من بعض عشان يجيبوا تورتة».

حالة من الاندهاش تواجهها «منى» من قبل بعض جيرانها الذين يستغربون قوة علاقتها بعمال البنزينة ومعاملتهم الخاصة لها: «فيه ناس بتفكر إن فيه بينا مصالح عشان كده هما عارفنى وعلاقتنا ببعض كويسة، مايعرفوش إن حب الناس ده أنا وارثاه من والدتى اللى علمتنى ماشوفش حد زعلان أو عنده مشكلة وأسيبه وأمشى، لازم أساعده».