المصريون فى صلاة العيد بروسيا: «يا رب صلاح يلعب»

10:59 م | الأربعاء 13 يونيو 2018

داخل مسجد يقفون بين صفوفه لأول مرة وساحة لم يزوروها من قبل.. يصطف المسلمون من مختلف الجنسيات لأداء صلاة عيد الفطر فى روسيا، تركوا أوطانهم لمساندة منتخباتهم المشاركة فى كأس العالم، منهم مصريون اختاروا مدينة إيكاترينبيرج للصلاة، لاستضافتها مباراة مصر وأوروجواى فى نفس اليوم، وحّدوا دعاءهم واتفقوا على أن يكون لمحمد صلاح نصيب الأسد فيها بأن يشفى سريعاً ويلحق بأولى مباريات المنتخب.

{long_qoute_1}

محمود يوسف، دشن «جروب» يدعو فيه المصريين لصلاة العيد معاً بمسجد بالمدينة والرد على الأسئلة ومساعدة بعضهم البعض: «نزلنا لوكيشن المسجد وبدأنا نعمل شير للمكان عشان الناس تعرف».. تبدأ الصلاة فى الثامنة صباحاً بتوقيت البلدة عكس مصر التى تبدأ الصلاة فيها بعد الشروق مباشرة: «اللى بيوصل المدينة بيشير المكان عشان نتجمع، صلاة العيد فى المدن الصغيرة بروسيا بتقتصر على مكانين فقط، نخلص صلاة ثم نستريح شوية قبل الماتش.. وهنتحرك كلنا مع بعض عشان نتفق على التشجيع والهتاف».

لم تكن المرة الأولى التى يؤدى فيها «محمود» صلاة العيد خارج مصر، بل سبق أن صلى فى باريس والسعودية: «هاخد ولادى ومراتى نصلى مع بعض وبعدين نروح الاستاد.. مش مصدق إن بعد الصلاة هروح أتفرج على مصر بعد غياب سنين طويلة».

لمدة يومين يحاول محمود سعيد الوصول لمسجد بموسكو لصلاة العيد، تعرف على عدد من المغاربة واتفقوا على الصلاة معاً: «فضلت ألف لوحدى ومفيش حد بيتكلم لا عربى ولا إنجليش»، لم يتمكن من الحصول على تذكرة لمشاهدة مباراة مصر الأولى بالمونديال: «معظم الناس هتكون فى مكان وأنا فى مكان»، أما «دعاء» فاتفقت مع صديقاتها للصلاة معاً لتستعيد أجواء أول يوم عيد وسط مصريين: «هاوصل المدينة اللى فيها الماتش يوم الوقفة، مفتقدة طقوس العيد لأنى باقضيه لوحدى لكن السنة دى العيد عيدين وكل آمالنا صلاح يلعب أول ماتش».