فانوس فخار للاحتفال برمضان.. خليك مختلف

09:51 م | الأربعاء 16 مايو 2018

للخروج عن النمطية فى أشكال الفانوس، وإضفاء جو كلاسيكى يناسب رمضان، ابتكرت شيماء حسن، مهندسة ديكور من منطقة سيدى بشر بالإسكندرية، فانوساً مصنوعاً من الفخار، فمنذ عملها فى هذا المجال بعد تخرّجها فى كلية الفنون الجميلة، وهى تفكر بطريقة غير تقليدية، وكان آخرها الفانوس الفخارى الذى جذب إليه الانتباه لشكله القيم والأنيق.

تعمل «شيماء» فى هذا المجال منذ 10 سنوات، وفى هذا الموسم الرمضانى اختارت أن تصنع فوانيس من الفخار لتترك بصمة مختلفة فى السوق: «بنستورد الخامات من تركيا وإندونيسيا علشان نوع الفخار يكون خفيف مش تقيل، ورغم أن الفكرة جديدة فهناك إقبال كبير عليها»، منذ اللحظة الأولى للإعلان عن الفانوس على صفحتها على موقع التواصل الاجتماعى «فيس بوك»، فوجئت «شيماء» بأن هذا الشكل الجديد نال إعجاب الكثير من الزبائن بالإسكندرية وخارجها: «الفانوس ليه ألوان مختلفة، فيه الأزرق والنبيتى». تعتمد فى إضاءتها للفانوس على اللمبة الليد أو الشمعة حسب اختيار العميل: «الاتنين شغالين كويس جداً، والفخار مش بيتفاعل معاهم نهائى»، وتتراوح أسعار الفانوس بين 120 و290 جنيهاً حسب حجمه: «الناس أكتر إقبالها على الحجم الصغير جداً علشان يفرّحوا بيه أولادهم»، وتعد كثرة الإقبال على هذا النوع لأنه يعيش مدة أطول دون أن يتلف: «الأهالى مش بتكون مضطرة كل سنة إنها تجيب فوانيس جديدة لأن خامته كويسة جداً».