بريد الوطن| آمن بنفسك
بريد الوطن| آمن بنفسك
خليك باليأس كافر مع الدنيا هابر وعافر
خليك ماسك ف حلمك زى اللحم ما ماسك ف الضافر
وقعت قوم تانى وابدأ خليك ثابت ع مبدأ
حلمك أكيد هيتحقق لو مآمن ومصدق
إنك تغير الكون ولو شفت العذاب ميت لون
بعزيمتك هتعلى قيمتك وأكيد ف يوم هتكون
بس انت آمن بنفسك وماتنشغلش كتير بأمسك
من وسط الغيوم أكيد ف يوم هتطلع شمسك
كسر الروتين ما ترددش ورا التانيين
لو مش مؤمن بفكرة ما تقولش عليها آمين
اصنع من أوجاعك طريق تعدى عليه لبكره
ما تعيش غريق ف بحور الندم والذكرى
لا تضيع وقتك هدر ولا يحطمك بشر
مصطفى سيد عبدالسلام- الدلاتون- منوفية
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
