بريد الوطن| صباح الخير
بريد الوطن| صباح الخير
صباح الخير على بلدى
اللى مالهاش زى
صباح الخير على الشارع
على الشمس اللى بتدفى بيوت الحى
صباح الخير على الطاجن وفرن العيش
صباح الخير على الشيّال وفرد الجيش
صباح الخير على البنت
اللى تتكحل فى سبت النور
وتضحك تلقى ضحكتها أمل مبدور
صباح الخير على المادنة وأجدادنا
صباح الخير على اخواتنا نصارى الدين
دا نيل واحد بيسقينا بقالنا سنين
صباح الخير على غيطانك، على الساقية
ومكن داير يلف الخضرة عالباير
صباح الخير لفلاحك وملاحك وموالك
صباح الخير وكيف حالك
صباح الخير على التوتة
وكلمة سر فى النوتة
صباح الخير على القلة وزلعة مش
أشرف الشناوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
