المخرج محمد علام عن عدم مشاركته بـ"شرم الشيخ للمسرح": "هسيب البلد"

06:16 م | الاثنين 02 أبريل 2018

أعرب المخرج محمد علام، مخرج العرض المسرحي "سيلفي مع الموت"، عن أسفه، لعدم دعوته للمشاركة بمهرجان شرم الشيخ الدولي للمسرح الشبابي، برئاسة الفنان مازن الغرباوي، الذي تستمر فعالياته من 1 إلى 9 أبريل الجاري.

وكتب علام، على حسابه الخاص على موقع التواصل الاجتماعي "فيس بوك": "في مهرجان شرم الشيخ الدولي للشباب، لم يدعوني أحد للمهرجان، برغم أن في ناس كتير جدا بتقول إني حد مهم في المسرح المصري، واكتشفت أن في ورش واعتقد إن في ناس كتير عارفين إني مدرب تمثيل شاطر، وليا باع كبير في المنطقه دي!!.. ومع ذلك محدش دعاني أني اروح !!".

وأضاف: "وبتتضايقوا مني لما بعترض علي حاجات، من هنا ورايح هعترض على فكرة، على أي عوج هيحصل في الوسط الفني عموما، ومش هسيب حق ليا أبداااا".

وتابع: "ملحوظة، فاضلي شوية تكات وبجد ممكن أسافر برا مصر برغم عشقي الشديد ليها، لأني لم أجد العدالة الفنية حتى الآن، تقدمت بـ3 أنواع مسرح جديده لم تحدث في التاريخ، وكنت أتمنى لأن تنفذ من خلال أم الدنيا لما لها على من أفضال، ولكني لم أجد يد العون لأني عارف إن في ناس بتكرهني أو بمعني أصح خايفة من صعودي في المراكز أكتر من كده خوفا علي مكانتها، إسماعيل مختار مِن الناس القليلة اللي وقفت جنبي هو وفتوح أحمد، وأحمد السيد آمّن بموهبتي وقدمني بشكل كويس، وأنا كمان شرفته جدا، عارفين يعني إيه أنواع مسرح ملكية فكرية!!!!".

وأضاف: "يعني الحاجات دي تتباع بفلوس كتير جدا، ومع ذلك ملقتش حد يهتم، إسماعيل مختار روحتله من 10 أيام بفكرة مهرجان جديده (مهرجان مسرح الرواية)، لم يفكر كثيرا وأخذ مني الورق وقالي هيتنفذ إن شاء الله شكرا جدا لحضرتك، عندي كمية تصورات لعروض مسرحيه ممكن تزلزل المسرح العربي والعالمي، وعايز أحقق حاجات كتير، اللي أنا عارفه إني مخرج مصري سيكون له شأنا عالميا بمعني الكلمة، كنت هنا نجحت برا مصر هفضل مصري الجنسية، بيشرف بلده في أي مكان".

وأختتم: "ارجوكم حققوا العداله الفنية، متجاملوشً، متعملوش شلة، فكروا في الفن وبس، خلوا البلد دي تتقدم بقى، خلوها تروح في الصفوف الأولى بين الدول، متخافوش على مراكزكم ومكانتكم طول ما أنت مخلص وبتشتغل بضمير ربنا هيكرمك، رغم ذلك كله انا متفائل تصور".