ارتفاع الأسعار ينعش هدايا الرصيف: «بـ3 جنيه وأنت طالع»

09:17 م | الثلاثاء 20 مارس 2018

فى الوقت الذى امتنع فيه البعض عن شراء هدية فى عيد الأم بسبب ارتفاع أسعار السلع المختلفة، قرر آخرون التحايل على الأمر بشراء هدايا مخفضة، حتى إن كانت أقل جودة، بما يتناسب مع ظروفهم المادية.

«طقم الكوبيات بـ15 جنيه، والـ3 مع بعض بـ7 ونص، والحلل والصوانى الألومنيوم من 20 لـ25 جنيه»، بعض العروض التى طرحتها عفاف عزت، صاحبة فرشة فى منطقة المرج، مستغلة انتعاش بيع هدايا الرصيف بسبب ارتفاع الأسعار: «عيد الأم موسم لينا، محدش بيجيب هدية لأمه بس، طلبة المدارس بيجيبوا للمدرسين، واللى متجوزة بتجيب لحماتها، اللى بييجى عندى بيختار طقم كوبيات كويس ولا طقم صوانى بلاستيك رخيص وفى نفس الوقت شكله حلو». هدايا مختلفة وأسعار متفاوتة، تحرص «عفاف» على طرحها للجمهور لترضى مختلف الفئات: «الطاسة الألومنيوم بـ5 جنيه والكبيرة بـ7 ونصف، أما طقم الشوك والمعالق بيبدأ من 4 لحد 6 جنيه. زمان كان اللى بيشترى هدية من على الرصيف بتكون مجاملة لحد مش عزيز، لكن دلوقت الكل بيجيب من عندنا بسبب الظروف الصعبة».

{long_qoute_1}

قدرة فول بـ25 جنيهاً هدية تبدو غريبة فى عيد الأم، حرص موسى عبدالرازق، على طرحها بين بضائعه المرصوصة على الرصيف: «أى حاجة بسيطة بترضى الأم من أول الشوكة الرخيصة لحد حلل العزومات أغلى حاجة عندى بـ30 جنيه». من هديتين لأكثر يشترى المواطن فى عيد الأم، حسب «عبدالرازق»: «الناس بتشترى هدايا لأمها وحماتها، وبيكيّفوا الميزانية على كده»، مشيراً إلى أن أطقم الكاسات الملونة وأكواب الشاى والعصير، هى الأكثر مبيعاً: «أغلى طقم عندى بـ20 جنيه، وده زى المستورد». شنطة جلد، هى هدية محببة لمختلف السيدات، لذلك يطرح عبدالرحمن سعيد، قبل عيد الأم بفترة أشكالاً مختلفة منها على فرشته بمنطقة الدقى، لتحقيق مكاسب: «أى شنطة بـ70 جنيه. رخصتها من 10 لـ15 جنيه عشان ناس كتير تشترى».

ولم ينس «عبدالرحمن» طلاب المدارس من التخفيضات التى يطرحها فى تلك المناسبة، حيث يقبلون عليه لشراء هدية لأمهاتهم: «أسعار المحلات غالية، وفيه أطفال فى إعدادى بيجولى يشتروا شنطة، ومش معاهم غير 45 أو 50 جنيه، وبابيع ليهم على قد إمكانياتهم».

على مدار 5 سنوات، تعمل «أم كريم» فى الذهب الصينى، ويزداد الإقبال عليها فى عيد الأم، لذلك تحرص على طرح مفاجآت وأسعار خاصة لزبائنها: «اشترى سلسلتين الواحدة بـ30 جنيه بدلاً من 50 جنيه». تقسم «أم كريم» هداياها لقسمين، شبابية تصلح للزوجة والأخت، وأخرى وقورة تصلح للأمهات الأكبر سناً: «لازم نريّح الزبون، وبدّيله شنطة هدايا معاها».