«شبشب حمام».. عرض مسرحى يحارب العنصرية فى ساعة

10:15 م | الخميس 22 فبراير 2018

الجنس، اللون، الشكل، النشأة، العقيدة، اختلافات بين البشر تميزهم، وتجعل لكل فرد هواياته الخاصة وشخصيته المتفردة، ورغم ذلك هناك من يوجه انتقادات للآخرين ترتكز على اختلافات فى اللون أو البشرة، وهو ما حاول القائمون على العرض المسرحى «شبشب حمام» محاربته بتسليط الضوء عليه.

العرض الذى سيشهد النور فى 3 مارس المقبل على مسرح الجزويت، بمحافظة الإسكندرية، من إخراج استافروس كيرلس، وتدريب الحكى حورية الدقاق، يتضمن مجموعة اسكتشات تسرد قصصاً واقعية يرويها مقدمو العرض، توضح الاختلاف بين البشر، ودرجة تقبلهم بعضهم لبعض، وردود الأفعال التى تعرضوا لها بسبب الاختلافات الفردية، وذلك مجاناً للجمهور.

«الطبيعى إننا مش شبه بعض، ولازم نختلف عشان نتميز ونعلم بعض»، تقولها وسام مجدى، إحدى المشاركات فى العرض المسرحى، وفسرت سبب تسمية العرض بهذا الاسم بـ: «الشبشب اللى بيكون قدام الحمام كلنا بنلبسه رغم اختلافنا، هو ده اللى احنا عايزين نوصله إن فى الآخر كلنا واحد، لو حد فينا مختلف عن التانى ده عشان ربنا عايز يميزنا عن بعض، وده اللى بنوصله فى العرض بإننا لازم نتقبل بعض زى ما احنا».

ينوى فريق العمل تقديم العرض داخل القاهرة، وجارٍ الاتفاق مع بعض المسارح، ويشارك فى العرض 16 شاباً، يروون 8 قصص واقعية تعرضوا لها أو شاهدوها، تبين مدى الاختلاف بين المواطنين، ودرجة تقبلهم بعضهم لبعض، وتعاملهم مع المواقف المحبطة التى يتعرضون لها يومياً، وذلك بمعالجة تمزج بين الحكى والرقص المعاصر والغناء، لمدة 60 دقيقة.