مشاهد مجسمة من قشر الفول السودانى.. يا صبر «أيوب»

10:17 م | الأربعاء 21 فبراير 2018

يهوى التصوير الفوتوغرافى، يبحث دائماً عن الابتكار والتجديد والتفكير خارج الصندوق، حتى بدأ إبراهيم بسكرى، المشهور بـ«أيوب» 35 عاماً من منطقة نقاوس بالجزائر، فى صنع مجسمات صغيرة وعمل قصص مصورة، منها تجسد مواقف كوميدية مختلفة.

يبدأ «أيوب» بكتابة «إسكربت» لكل قصة يقوم بتصويرها، حتى تكون لها بداية ونهاية ومواقف مضحكة كثيرة، ويستخدم أقل الإمكانيات، مثل أعواد الخشب المستهلكة وأوراق الكارتون وغيرها: «أى حاجة محدش بيستخدمها أنا ممكن أستخدمها وأصنع منها مجسمات صغيرة تفيدنى فى تصويرى وتطلع بشكل كويس للناس».

التكلفة تتراوح بين 20 و50 جنيهاً، ويستخدم برنامج تعديل الصور، لنقل حكايات أكثر جذباً للجمهور: «فكرة المجسمات اتوجدت عشان كنت عاوز أعمل حاجة مختلفة وخاصة إنى بقالى سنة وأكتر فى مجال التصوير، فقلت ليه ماصورش أى حاجة بطريقة جديدة، وأعرضها على الناس».

يحرص على تطوير موهبته فى كل مرة يقدم فيها القصص، وهو ما أعجب الكثيرين من متابعيه: «فرحان بانبساط الناس بالأفكار اللى بقدمها والمواقف الكوميدية اللى بحب أحطها داخل القصة»، قلة المناظر الطبيعية والآثار فى المنطقة التى يعيش فيها زادت من محاولته لخلق عالم آخر يصنعه بنفسه بالمجسمات: «بمنطقتى مفيش أماكن أقدر أروح أصور فيها ولا مناظر طبيعية كثيرة، وبفرح أوى لما أعمل قصة، وأعرضها والناس تقولى استمر».