بريد الوطن| بيضة الديك
بريد الوطن| بيضة الديك
فينه الديك؟
قوللى بسرعة الله يخليك
باض البيضة ف وسط الأوضة
فقس البيض طلَّعلنا ديك
ْصَوْصوْ صوْ كَوْكوْكو
أدِّن يلَّا الفجر يا ديك
فين أيامنا وفين أحلامنا؟
بقى ف زماننا يبيض الديك
شايفه صحيح طب فينه الديك؟
قوللى بسرعة الله يخليك
ربى العرف وقال أستشيخ
أول صف الفجر أناجيك
ينهى الركعة ينام من خيبته
تضحك فرخة على التماحيك
تنقر ضهره يمكن يصحى
بعد الفجر النوم تلاكيك
سلقوا البيضة وسرقوا الفرخة
واللى سرقها قال يا فكيك
وانت ياصابر ياللى تاعبنى
يا مدوخنى ومغلبنى
يكفى عليك البيضة يا ابنى
بيضة الديك
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
