صبري فواز يحكي سيناريو جملة "أنا يابنتي" لغادة عبدالرازق

05:08 م | الأربعاء 07 فبراير 2018

تداول مستخدمو موقع التواصل الاجتماعي "فيسبوك" صورة يستخدمونها كـ "كوميكس" من مشهد فيلم "كلمني شكرًا" للفنان صبري فواز وهو يقول للفنانة غادة عبدالرازق "أنا يابنتي" حيث حصلت الجملة على شهرة كبيرة وأصبح لزمة تردد على ألسنة الناس.

الأمر الذي جعل الفنان صبري فواز ينشر منشور يحكي في قصة هذه الجملة بعد الانتشار الكبير لصورته قائلًا: "كنا بنصور المشهد ده.. والمفروض أشجان تسأل زين كآبة.. وهو يرد عليها بكام جملة تلف ناحية عرابى الديب وتسأله" :مش إنت كنت شاهد يا معلم عرابى ؟" فمن المفترض يرد عرابي "شاهد إيه يا مرة انتي .. إنتى جاية ترمى جتتك.. أنا لا شوفتك ولا أعرفك.. قال شاهد قال".

ويستكمل صبري حديثه قائلا "المشهد مكتوب كده و ذاكرناه كده وعملنا عليه بروفة كده.. وأثناء التصوير.. والكاميرا دايرة.. سألتني فلاقيتني باسيب الكلام ده كله و باقول لها: أنا يا بنتي وضحك في الاستوديو بقى تصفيق".

وجاءت التعليقات من مستخدمي "فيسبوك" على منشور صبري بـ "هو ده اللي أنا بقوله وبراهن عليه والله.. إن بصمة الممثل ذاتيه وأهم من 100 سيناريو وأي حوار بشرط إنها تكون بصمة فنان"، "الجملة اللي اتصورت وطريقة أدائها مع الـ Reaction أقوى مليار مرة من اللي كان مكتوب ثم إنها أعطت نفس المعني بدون حكي كتير؛ التكثيف هو عين وعقل وقلب الدراما؛ تحياتي يا نجم"، دة جاب ضحك ولو قلتله زي اللي في الورق هايجيب ضحك برده، العالمي واحد بس".

وتوالت التعليقات بـ "انت عبقري اصلا ومبدع وممثل مفيش منك اتنين ربنا يزيدك دايما ونتعلم منك يا مولانا"، "اللي بتقوله ده ميطلعش غير من مبدع حقيقي والله مش مجرد ممثل"، "إلهام ربنا وتوفيقه أهم من ألف سيناريو"، "انت جميل في كل حاجة يا عمنا"، "عرابي الديب، الأيقونة التي تُدرّس".

يذكر أن فيلم "كلمني شكرا" إنتاج عام 2010، شارك في بطولته عمرو عبدالجليل، غادة عبدالرازق، صبري فواز، شويكار وماجد المصري وهو تأليف عمرو سعد وإخراج خالد يوسف.