فطار رومانسى على ضوء الشموع والأكل: فول وطعمية وباذنجان
فطار رومانسى على ضوء الشموع والأكل: فول وطعمية وباذنجان
- أسرة واحدة
- الاستيقاظ مبكرا
- الفول والطعمية
- ضوء الشموع
- لون أحمر
- أجواء
- أزهار
- أسرة واحدة
- الاستيقاظ مبكرا
- الفول والطعمية
- ضوء الشموع
- لون أحمر
- أجواء
- أزهار
على الرغم من أن السفرة لا تضم إلا أطباق الفول، الطعمية والباذنجان المقلى بالإضافة إلى طبق البيض، فإن مروة هشام حرصت على تقديمها بشكل جمالى، وتفننت فى رص الطعام لجذب انتباه زوجها وأطفالها. وأضافت رومانسية على الأجواء بوضع الشموع والقلوب التى تزين الطعام، بالإضافة لوضع كلمة «Love»، على السفرة، مع مفارش ذات لون أحمر.
«الفول والطعمية دول مهدور حقهم، وبيتحطوا فى أى طبق لدرجة أن محدش بيفرق معاه هياكلهم إزاى».. كلمات تحاول بها «مروة» الدفاع عن طبق الفول، الذى وصفته بالمهدور حقه: «ما هو الأكل فن، مش أى حاجة وخلاص، العين بتاكل قبل الفم، والفول لازم ياخد حقه».
تنظم وقتها لتزيين الطعام، تحرص على الاستيقاظ مبكراً لتحضير مائدة طويلة من الفطور، وتكرر نفس الأسلوب فى وجبتى الغداء والعشاء، تحاول أن تلفت الانتباه للسفرة طوال الوقت: «الأطباق اللى هيتحط فيها الأكل لازم تتزوق، علشان تفتح نفس اللى هياكل».
أحياناً تستخدم بعض الورود والأزهار المختلفة، بالإضافة لإضاءة الشمع، وبهذه الوسيلة أصبحت قادرة على تجميع أسرتها حول السفرة: «طريقتى فى تقديم الأكل بالشكل ده بتشجعهم أنهم مياكلوش بره البيت أبداً، ويشجع الأولاد كلهم ياكلوا صحى ونتجمع كلنا كأسرة واحدة على السفرة».
