ابتكارات الست المصرية مع «العلب»: ليها استخدامات كتير

08:32 م | الاثنين 27 نوفمبر 2017

إعادة استخدام «علبة الحلاوة» فى أغراض مختلفة، فكرة تسيطر على «الست المصرية» بوجه عام، حيث يغريها الاحتفاظ بالعلب ذات الأشكال المختلفة، وبالتزامن مع موسم المولد النبوى، قررت صفاء صلاح، أن تحتفظ بالعلبة وتغلفها بالقماش وتحولها إلى علبة لحفظ الشرابات بداخلها: «ليها استخدامات كتير ممكن أعملها درج لأدوات الخياطة عشان الخيط والإبر بيضيعوا منى».

حب إكرام عطية، ربة منزل، لتجميع العلب الفارغة جعلها تختار حلوى المولد بناءً على العلبة وليس محتواها: «بستخدمها فى حاجات كتير ساعات بخصصها لتخزين العيش أو كطبق للفاكهة لو كانت خامتها تقيلة وتستحمل». تتفنن «إكرام» فى ابتكار أفكار لاستغلال «علب الحلاوة» الفارغة، حيث تقوم بتنظيفها وتزيينها واستخدامها كأدراج للإكسسوارات والتوك وأدوات الميك آب: «بتكون شيك جداً وعملية ومش مكلفة ومش بتاخد حيز كبير فى ركن جنب التسريحة»، وبحسب «إكرام» فإنها كانت تستخدمها قديماً للاحتفاظ بجوابات زوجها لها عندما كان مسافراً بالخارج: «كان زمان مفيش غير الجوابات اللى بنطمّن بيها على بعض.