"صاحبت البنات عشان السندوتشات".. رد مغردون على هاشتاج "فاكر أيام ما"

11:43 ص | الخميس 09 نوفمبر 2017

"فاكر أيام ما"، هاشتاج دشنه نشطاء عبر موقع التغريدات القصيرة "تويتر"، في مصر، للتذكير بالأشياء القديمة التي كان يفعلها الناس ولم يبق بإمكانهم أن يفعلوها في هذا الوقت نظرا لتغير الظروف، لتبقى ذكريات في أذهانهم لاينسوها، وتصدر الهاشتاج قائمة الأعلى تداولا.

غرد مصطفى قائلا: "عمري ما أنسى أبويا وهو بياخدني الإستاد من صغري ويعلمني.. ساعتها قال لي يابني الزمالك هو حياتنا والدنيا فانية وإيه غير حبه مالكنا".

وكتبت ياسمين: "فاكر أيام ما كنت بتصاحب البنات عشان سندوتشات الجبنة الرومي"، وردت نور: "فاكر أيام ما كنا بنضحك والضحكة تبان إنها من قلوبنا فعلاً"، وأضافت أسماء: "فاكر لما كنت عايز تروح الكليه وتشوف الحياة الجامعية هتبقى إزاي، أديك دخلت وياريتك ما دخلت".

وعلق كيرو: "فاكر أيام ما كانوا كانو يقولولي شيد حيالك عشان تنجح وتبقى مهندس قد الدنيا.. وأروح الكافية وأنزل شيشية وافضل أشد أشد.. عايز أبقى مهندس جدع"، ودونت أسماء: "فاكر أيام ما كنا بنمشى في الشتا والبهدلة في البرد عشان تروح المدرسة في الصبح".

وأضاف ميدو: "فاكر أيام ما كنت بهرب من أي شئ يؤذي شعورك ويحمل قلبك مالايطيق، خلقنا في الحياة ومعنا الاختيار، فاختار لنفسك ما يرضيك"، وتابع عماد: "فاكر أيام ما كنا بنستنى بانوراما فرنسية على القناة الثانية".