حوار نادر| فريد شوقي: "أنا أهلاوي متعصب.. وبشجع بناتي على الرقص"
حوار نادر| فريد شوقي: "أنا أهلاوي متعصب.. وبشجع بناتي على الرقص"
في حوار نادر، شهد تجمع عائلة الفنان فريد شوقي وزوجته سهير ترك، وبنتهما، حيث تحدث وحش الشاشة، عن تربيته لبناته الأربع، لافتا إلى أن تربية البنات أصعب من الأولاد: "بيحتاجوا لمجهود أكبر خاصة في الجيل اللي إحنا عايشين فيه".
وعن طريقة تربيته لهم قال "شوقي": "ربيتهم تربية مش قاسية، واديتهم كل حاجة ماحرمتهمش من حاجة وكنت صديق لهم، يعني البنت اللي عايزة ترقص برقص معاها، وإللي بتروح سينما أو رحلات مدرسية بروح معاها، وأي حاجة بيطلبوها بحققهلم بس مش مبالغة".
وأرجع "شوقي"، سر لقب وحش الشاشة من قبل جمهوره إلى طبيعة الأدوار الجادة التي قدمها في أفلامه والتي تضمنت أفلام الأكشن والمغامرة.
أما زوجته سهير ترك، فتحدثت عن متعة تربية البنات، قائلة: "تربيتهم ألذ، والمفروض الأم تبقى أخت وصديقة للبنت، لأنها هتفهمها أكتر من الولاد، مشيرة إلى إعجابها بفريد قبل زواجهما ومتابعتها لجميع أفلامه".
وعند سؤاله عن ماذا كان يفعل لو كانت زوجته زملكاوية في ظل تشجيعه الشديد للأهلي، رد مازحًا: "ما دام جوزها أهلاوي لازم تبقى أهلاوية بحكم الشرع لازم تبقى تبع جوزها".
