جزارون يخفضون الأسعار بسبب توقف الشراء في أسوان: خلي الغلبان ياكل
جزارون يخفضون الأسعار بسبب توقف الشراء في أسوان: خلي الغلبان ياكل
- أسعار اللحوم
- تخفيض سعر
- خفض أسعار
- سعر اللحوم
- شراء اللحوم
- محافظة أسوان
- مدينة دراو
- مكبرات الصوت
- أسعار اللحوم
- تخفيض سعر
- خفض أسعار
- سعر اللحوم
- شراء اللحوم
- محافظة أسوان
- مدينة دراو
- مكبرات الصوت
"تعال قرب وشوف اللحمة بـ100 وعلى المكشوف.. كله هيآكل لحمة جملي بـ80 جنيه.. ولسه" كلمات قالها مجموعة من الجزارين بسوق مدينة دراو شمال محافظة أسوان في صباح اليوم الخميس خلال مكبرات الصوت وكأنه "مهرجان" حيث تسابق الجزارين في تخفيض أسعار اللحوم لوجود أعداد كبيرة من الجمال في الأسواق وتكدسها بكميات كبيرة نظرا لعدم شرائها في ظل ضخ كميات جديدة كل أسبوع.
ما أدى لخفض أسعارها لمبلغ يصل 3 آلاف جنيه في الجمل الواحد حيث تراجع سعر الجمل الجيد من 13 ألف إلى 10 آلاف فقط وأثر أيضا على اللحوم العجالي وتراجعت أسعاره في سوق "دراو" من 120 جنيها للكيلوجرام إلى 100 جنيه والبعض إلى 110 وسط فرحة كبيرة بين الأهالي الذين تسابقوا لشراء اللحوم.
قال ياسر دياب من أهالي مدينة دراو، فوجئنا صباح اليوم بمكبرات صوت أمام عدد من الجزارين بسوق مدينة دراو في صباح الخميس، والتسابق بين الجزارين في خفض أسعار اللحوم فمثلا أحد الجزارين قال 110 فقال الآخر وانا كمان عندنا اللحمة بـ100 جنيه "خلي الغلبان يدوق ويأكل لحمة".
وتابع "الحقيقة ناس كثيرة اشترت 2 أو 3 كيلو وتخزنوا في ثلاجاتها لن ده عرض جيد لنا كمواطنين ولم نراه الفترة الماضية واللي وصل فيها سعر اللحوم عند بعض الجزارين لـ130 جنيه للحم الأحمر الصافي".
وقال رجب البصري، (33 سنة - جزار عجالي بسوق دراو)، بصراحة كان لازم يكون فيه مهرجان لتخفيض اللحوم في دراو وإحنا كجزارين مش ضد المواطن بل بالعكس إحنا لما بنلاقي سعر المواشي في النازل كمان إحنا بننزل في أسعار اللحوم واللي حصل النهاردة في سوق دراو دليل على كده، ومستمرين في إنزال الأسعار وتخفيضها طالما سعر الماشية بيرخص وبينزل وممكن نظل نبيع بـ100 طالما الأسعار تناسب جميع الأطراف سواء المواطن "الزبون" أو الجزار لأن كلنا عندنا أسر وورانا عائلات محتاجين نصرف عليهم.
وقال محمد البارون (42 عاما - جزار جملي) بسوق دراو، إحنا خفضنا سعر لحوم الجملي بنسبة 20% لأن فعلا سعر الجمل في سوق الجمال بدراو تراجع في الفترة الأخير والجمل الواحد سعره بينزل من ألفين جنيه إلى 3 آلاف جنيه على حسب وزنه وقوته، وسعر اللحوم النهاردة للجملي 80 جنيها مع إن كان سعره 100 ولكن مع تضاعف كميات الجمال بسوق دراو بدء تجار الجمال بتخفيض سعره ومعاه خفضنا أسعار اللحوم "وهنخلي الكل يآكل لحمة جملي".
