رسائل علمية للبيع: من البحث للماجستير.. و«كله بتمنه»
رسائل علمية للبيع: من البحث للماجستير.. و«كله بتمنه»
- بداية العام الجديد
- جامعة القاهرة
- كلية التجارة
- منطقة بين السرايات
- أبحاث
- أسعار
- أفكار
- بداية العام الجديد
- جامعة القاهرة
- كلية التجارة
- منطقة بين السرايات
- أبحاث
- أسعار
- أفكار
«هات أفكار البحث واستلمه مكتوب على الجاهز»، شعار رفعه أصحاب مكتبات التصوير والطباعة لجذب الطلاب، كفكرة يخلقون منها «سبوبة» بالتزامن مع بداية العام الجديد، بداية من 5 جنيهات وحتى 100 جنيه، هى أسعار الأبحاث الجاهزة التى تختلف من مكتبة إلى أخرى حسب حجم البحث وجودته.
فكرة سيئة تزيد من هرمونات الكسل لدى الطلاب، ويبقى المستفيد الوحيد منها هم أصحاب المكتبات: «بنكون مزنوقين جداً ومضطرين أننا نروح نعمل الأبحاث عندهم»، كلمات منة محمود، 20 عاماً، حيث تشعر أن كثرة الضغط والأبحاث الملقاة على عاتقهم هى السبب الرئيسى الذى دفعهم لقبول هذا العرض رغم عدم جودته فى بعض الأحيان: «هو البحث مش بيكون حلو جداً أو ممتاز، بس أهو يضمن لينا درجات النجاح، وإن الترم يعدى بسلام».
بطرح أهداف البحث وأفكاره على المشرف على القيام بالأبحاث داخل المكتبة، فإنه يقوم بإتمامه خلال ساعتين فقط: «من ساعة ما الفكرة انتشرت والمكتبات دايماً بتكون زحمة»، فحسب وصف «منة» فإن تشجيع الطلاب للفكرة هو ما جعل أصحاب المكتبات يستمرون فى القيام بذلك: «إحنا اللى شجّعنا الفكرة أنها تنتشر لو ماكناش شجعناهم ماكانش هيبقى للفكرة وجود».
تقبل «منة» على الفكرة لعدم إتاحة الإنترنت فى منزلها بسرعة عالية تمكنها من إنجاز المهمة: «أنا باخليه ينزل لى كل المعلومات اللى محتاجة ليها، وفيه أوقات كتير بيكون بينا مشاركة فى عمل البحث»، فحسب وصف الطالبة العشرينية، فإنه لا بد من مذاكرة البحث ومراجعته بشكل كبير حتى تكون ملماً بكل أجزائه: «باذاكر البحث كويس جداً، لأنه بنتسأل فيه فى الامتحانات».
توفير بعض الأوقات للمراجعة قبل امتحانات الميدترم و«الكويزات» كان السبب الذى جعل سلمى أحمد، 19 سنة، تلجأ إلى الفكرة: «دايماً الأبحاث بتتطلب مننا أوقات الميدترم، فبتكون الأولوية للمذاكرة أكتر من إنى ألاقى وقت أنفذ فكرة البحث»، وحسب «سلمى»، فإنها تقوم بإعادة البحث فى بعض الأحيان على طريقتها الخاصة حتى يكون مميزاً ومختلفاً عن باقى الطلاب: «أول ما باستلم البحث من المكتبة باحاول إنى أخليه مختلف شوية وباقراه كويس علشان أكون مستعدة لو اتسألت فيه». وترى أن زيادة أسعار الورق هى السبب وراء ارتفاع التكلفة: «طبعاً الورق بقى غالى جداً، وكل مكتبة بسعر، بس مفيش بحث أقل من 20 جنيه، وده اللى بيكون 5 ورقات».
تمتلئ منطقة بين السرايات أمام كلية التجارة بجامعة القاهرة، بالكثير من المكتبات المتخصّصة فى إعداد الأبحاث للطلبة، فحسب أحد أصحاب المكتبات: «أنا مش باعمل البحث لوحدى، الطالب برضه بيشاركنى، لأنه لو ماشاركنيش هيفشل»، حيث تصل تكلفة البحث العشر ورقات إلى 100 جنيه: «باعمل أبحاث كمان لطلبة الماجستير، وبتتكلف من 8 آلاف لحد 10 آلاف جنيه».
