"هتحس بالعيد لما" يتصدر "تويتر".. ومغردون: "عيدية محترمة وافرتكها"
"هتحس بالعيد لما" يتصدر "تويتر".. ومغردون: "عيدية محترمة وافرتكها"
"هتحس بالعيد لما".. هاشتاج أطلقه مستخدمو موقع التغريدات القصيرة "تويتر"، للتعبير عما يشعرهم بفرحة العيد، وتصدر الهاشتاج قائمة الأعلى تداولا.
وجاءت التعليقات من مغردو "تويتر" على الهاشتاج، بـ"بالي يرتاح، تكبيرات العيد تبدأ، أكون وسط أمي وأبويا وإخواتي وأولادي، صلة الرحم ترجع زي زمان، اللي كانوا معانا العيد اللي فات يرجعوا تاني اللهم ارحم موتانا، هحس بالعيد لما أوزع لحمة على المحتاج، وإن شاء الله كله لله، أرجع عيل صغير، لمتنا في العيلة ترجع زي الأول، واتفرج على مسرحية العيال كبرت وسك على بناتك".
وتوالت التعليقات على الهاشتاج، بـ"بالحب، صلاة العيد، أسمع تكبيرات العيد، أروح السوق وأفرتك الهدية، تسافر القرى والأرياف ده العيد واللمة والعيلة أو تسافر مع صحابك مثلا شرم الشيخ أو السخنة بس ده طعم تاني خالص بتاع الصحوبية، يتحقق حلم حياتي ساعتها هحس بالعيد حتي لو مكناش في العيد، أمسك في إيدي عيدية محترمة، أرجع طفل تاني وأتصرف تصرفات طفولية مسدس خرز ومسدس مية".
