"العيد بيمثل لك إيه" يتصدر "تويتر".. ومغردون: "فرحة ولحمة وعيدية"
"العيد بيمثل لك إيه" يتصدر "تويتر".. ومغردون: "فرحة ولحمة وعيدية"
دشن نشطاء عبر موقع التواصل الاجتماعي "توتير" هاشتاج بعنوان "العيد بيمثل لك إيه" في السعودية، لاسترجاع الذكريات التي اعتاد عليها المسلمون في العيد وفرحتهم به، وتصدر الهشتاج الأعلى تداولا.
وجاءت تعليقات مغردي "تويتر" على الهشتاج بـ"العيد يمثل بالنسبة لي صلاة العيد وباقي اليوم عادي"، "بأى حال جئت يا عيد، العيد بجد كان زمان"، "مرقة اللحمة اللي بيعملها بابا بتختلف في العيد عن أي يوم تاني"، "حب وإخاء وصفاء قلوب"، "زحمة في الشوارع وعيال راكبين موتوسيكلات وحاطين مية أكسجين وبنات لابسة فسفوري وشحاتين"، "العيد فرحة لكل مسلم من منطلق الدين والعبادة"، "النوم غير كدا شكليات"، "بحب أشوف فرحة الناس فى صلاة العيد".
وتوالت التعليقات على هاشتاج "العيد بيمثل لك إيه" بـ"خروجات كتير أووي وفلوس أكترر بكتيير"، "لو ما قضيتش العيد فى الشغل اتحرق"، "القناة الثانية وفيلم أفريكانو"، "بحبه عشان باكل لحمة كتر"، "تكبيرات العيد"، "لحمة وأكل كتير مش بيطلع عليا"، "فرحة ولحمة وزحمة وصلة رحم وخروجات وضحك ولعب"، "لمة الصحاب وعيدية وفلوس"، "بيمثلني صحاب المدرسة اللي بشوفهم من السنة للسنة، وبيفكرني بذكريات الطفولة واستعدادنا للعيد زمان عند تيتا الله يرحمها".
