بالصور| الشرطة تنقذ ركاب حافلة شركة نقل شهيرة تعطلت بهم في "الصحراء"
بالصور| الشرطة تنقذ ركاب حافلة شركة نقل شهيرة تعطلت بهم في "الصحراء"
هنالك العديد من الأسباب التي تدفع شابا أو رجلا مسؤولا أو فتاة أو حتى طفل ليفرد مساحة كبرى عبر حسابه الشخصي على أي موقع تواصل لـ"الشكوى" من أي شركة أو جهاز أو مؤسسة لا تتبع الدولة، أهمها هو "ما باليد حيلة".
ولكن مؤخرا، بخاصة من بعد العام 2011، بدأ جمهور السوشيال ميديا يشكل ضغطا ويؤتي بثمار الضغط في محاسبة المقصرين، كان أخرها سائقي القطار اللذين انتشر لهما فيديو أثناء تعاطيهما المخدرات خلال قيادتهما قاطرة بخارية.
واستمرارا لمسلسل الشكاوى من وسائل النقل، لجأ أحد المواطينين لرواية واقعة سلم الله أبطالها من حدوث مكروه، بعد أن عطلت بهم حافلة حديثة الطراز تابعة لشركة نقل خاصة، فيما أبدى اندهاشه من أن تنفق مؤسسة بهذا الحجم لشراء حافلات على أحدث طراز دون توافر عمالة مدربة أو سبل تأمين وحماية للركاب، بخاصة على الطرق الصحراوية الطويلة غير المأهولة.
وكتب حساب باسم "بيتر رامز" عبر فيسبوك منشورا قص فيه واقعة بتاريخ أمس، حين قرر أن يستقل حافلة من شركة "جو باص" خلال رحلة عودته من الغردقة إلى القاهرة.
وقال رامز: "شركة gobus لنقل الركاب من القاهرة للغردقة و أماكن ساحلية أخرى زى إسكندرية والساحل الشمالي وشرم الشيخ قررت تشترى ٣ ـتوبيسات دورين شكلهم يبدو أنه نضيف لكن المفاجأة إن الشركة تقريباً مش عارفة تدير الأتوبيسات أو حتى تشغلهم".
وتابع: "النهاردة اتحركنا فى باص رقم 504 أتوبيس عام البحر الأحمر رقم الرحلة 677409 المتوجهة من الغردقة للقاهرة الساعة الواحدة ظهراً.
١- الأتوبيس ده مخصص لأعلى درجة ( elite ) و تمن التذكرة الواحدة 290 جنيه و دى أعلى درجة موجودة فى الشركة.
٢- الأتوبيس أتأخر 15 دقيقة و اتحركنا الساعة 1.30 ظهراً لحد ما الناس حطت شنطها ركبت.
٣- بعد ما اتحركنا بأقل من ساعة واحدة تعطل الأتوبيس عند كمين الأحياء و على بعد 20 كيلو فقط من الغردقة !
٤- سواق الأتوبيس من غير إلقاء اللوم عليه قالنا فى مشكلة فى كهربة الأتوبيس و إن فيه لمبة حمرا كانت منورة وهو بيتحرك وقدامنا على الأقل ساعة لحد ما يجيى من الـ head office للشركة في الغردقة.
٥- إحنا دلوقتى واقفين فى الصحرا على طريق سفر ومحدش بيعمل أي حاجة كالعادة ومعانا أطفال تعبانين من الحر وكبار سن فى منهم اللي عيان وعندوا مواعيد أدوية.
النقطة الإيجابية الوحيدة فى الموضوع إن الشرطة وصلت بعد دقيقتين بالظبط، وفيه ملازم أول اسمه سعد محمد من قوة تأمين الطرق فضل واقف معانا لحد ما حد يتعطف علينا من الشركة المحترمة".
