أسامة كمال يتساءل: إيه حكاية الـ"نص نص" مع المصريين؟
أسامة كمال يتساءل: إيه حكاية الـ"نص نص" مع المصريين؟
قال الإعلامي أسامة كمال، إن كل شيء في حياة المصريين "نص نص"، فعندما تلتقي شخص تعرفه في الشارع وتسأله "أخبارك إيه؟"، فيكون الرد "نص نص"، وعندما تسأله: "عملت شغلك؟" يرد: "نص نص"، وإذا سألت: "نمت كويس؟" يرد: "نص نص".
وأضاف "كمال"، خلال تقديمه برنامج "مساء دي إم سي"، على قناة "دي إم سي": "إيه حكاية النص نص؟ يعني نص كويس ونص وحش؟، عملت النص وسبت النص؟ طب ليه النص مبقاش كل؟، كلمة نص إنسان ممكن ماتوجعش الراجل لما تسأله هو إنت نص إنسان؟، لكن السؤال اللي يوجعه (هو انت نص راجل؟)، ساعتها فقط هيرد ويقول دا أنا أبو الرجالة".
وتابع: "طب ليه تقبل النص على نفسك في باقي حياتك؟، ليه تعمل نص شغلك؟، ليه تعيش نص حياتك؟ ليه تحقق نص طموحك؟ ليه ماتسعاش دايماً للكل وتكمل طريقك للآخر؟".
