أمينة خليل: حاسة بحالة من انعدام الشعور زي ما أكون مش موجودة

01:11 م | الأحد 09 يوليو 2017

قالت الفنانة أمينة خليل: "الكبت والضغط النفسي هيوصلك لمرحلة مريبة جدًا من الاضطراب النفسي، مرحلة كل حاجة وعكسها اللي هو مش بتعمل حاجة بس مش فاضي، حاسس بالوحدة بس مش عايز تكلم حد، تيجي على بالك أغنية وتحب تسمعها تشغلها ف الهاند فري وتتفاجئ إنها خلصت من غير ما تسمع كلمة منها، تشغل الفيلم اللي بتحبه وتفصله في نصه، تعمل القهوة أو النسكافيه بتاعك وتسيبه لحد ما يبرد قدامك، عندك خطط كتير بس مش وقتها، مفيش حاجة مبهرة أو حاجة تشد انتباهك أو تخطفك".

وأضافت على صفحتها الشخصية على موقع التواصل الاجتماعي "فيس بوك": "شعور عالي بالتقل، أنت اللي تقيل على نفسك مش حد تاني، حاسس بحالة من انعدام الشعور بكيانك زي ما تكون مش موجود "هواء"، مستني حاجة بس مش عارف إيه هي وامتى وفين وليه ومع مين، شعور اللى هو أنت هنا أهو موجود بس عقلك وذهنك في وادي تاني خالص، ودي أسوأ مرحلة ممكن تمر بيها".

يذكر أن آخر أعمال "أمينة"، مسلسل "لا تطفئ الشمس"، الذي شاركها في بطولته كل من ميرفت أمين، محمد ممدوح، أحمد مالك، فتحي عبدالوهاب وريهام عبد الغفور، القصة من تأليف احسان عبد القدوس، سيناريو وحوار تامر حبيب وإخراج محمد شاكر خضير.