أحمد زاهر عن غادة عبد الرازق: "حرام عليكم.. هاتدبحوها يعني"
أحمد زاهر عن غادة عبد الرازق: "حرام عليكم.. هاتدبحوها يعني"
دافع الفنان أحمد زاهر، عن الفنانة غادة عبد الرازق، بعد أزمتها الأخيرة، ونشر مقطع فيديو "عاري" أثار جدلا على صفحات مواقع التواصل الاجتماعي.
وكتب زاهر، على صفحته على موقع التواصل "فيسبوك": "تاجر الفضايح أسوأ من تجار الموت على الأقل تاجر الموت بيقتل مرة واحدة وخلصت، أما تاجر الفضايح بيقتل اللي قدامه ألف مرة كل يوم كل دقيقة كل لحظة، حرام اللي بيتاجر بفضائح الناس عقابه عند ربنا كبير أوى، الفنانة غادة عبد الرازق غلطت بس من غير قصد واعتذرت، واعترفت بغلطها، خلاص بقى كفاية حرام عليكم إيه هاتدبحوها يعني، فيه إيه ما خلاص بقى".
وتابع: "لو كل واحد فيكم يعرف إنه لما يشير فيديو زي ده أو يتريق علية أو يشمت حسابه عند ربنا عسير من منا بلا أخطاء؟ ربنا يمهل ولا يهمل، واللي بيغلط دلوقتي هايجيله اليوم اللي هايتغلط فيه، وبعدين الرجالة هما اللي يستروا مش يفضحوا، هما دول الرجالة المصريين الجدعان، وعلى فكرة أنا وغادة مش أصحاب، و لا بنكلم بعض من سنين ومش هانرجع نشتغل مع بعض تاني أبدا، عشان اللي ممكن يزايدوا أو يزيطوا بس اللي بيحصل ده مش أخلاقنا، وعيب وحرام المسألة عندي مسألة مبدأ اتقوا الله".
