«الصامدون» يرفضون عنف «الإخوان» ويحتفلون بشهر الصوم.. «رمضان كريم يا جماعة»
![«الصامدون» يرفضون عنف «الإخوان» ويحتفلون بشهر الصوم.. «رمضان كريم يا جماعة»](https://watanimg.elwatannews.com/old_news_images/large/131615_660_3503378_opt.jpg)
أعمارهم عشرينية.. يجمعون بين الثورة والعمل، على بعد أمتار من ميدان التحرير يراقبون الحراك الثورى، فوق رصيف شارع طلعت حرب بوسط البلد ينكفئ فريق «الصامدون» على لوحات خشبية ينحتون عليها صوراً وكتابات قرآنية وفرعونية وغيرها، يستهلون شهر رمضان لتهوين عام من حكم «الإخوان» «مستنيين الصيام عشان لسه خارجين من كتمة سنة بحالها»، يقولها أشرف رفعت عضو فريق «الصامدون»، مودعاً معاناتهم مع جماعة «الإخوان»: «السنة اللى فاتت بيتنا ولع، والحى كان بيعملنا إزالات من الشارع»، حسب ذكرياته مع نظام «الإخوان».
«أزميل وشاكوش خشبى ومنجلة» أدوات موضوعة على «ترابيزة» خشب إلى جوار فريق النحت، وسط اللوحات المعروضة يستهل النحاتون الشباب عملهم الرمضانى بلوحة «رمضان كريم»، يوضح «أشرف» أنه يتمنى رمضان هذا العام بلا سياسة «صوم وتهجد وزكاة بس»، يعمل «الصامدون» ليلاً ويصومون نهاراً: «عايزين رمضان من غير قتل ومظاهرات، والمسيحيين يصوموا معانا ويشاركونا فى الطقس الدينى بتاعنا». تمسكاً بالمهنة الأصلية يعلق «أشرف» وزملاؤه عروسة «ماريونت» بجوار اللوحات المنحوتة، يقول «أشرف»: «إحنا أصلا ممثلين مسرح خيال الظل وماريونت، وتعلمنا النحت عشان نكسب ونعمل حاجة نفتخر بيها فى المستقبل».
بمناسبة قدوم رمضان يقدم «أشرف» وزملاؤه عرضاً بمناسبة شهر الصوم: «اللى معاه صورة معينة يجيبها ننحتها، والتمن حسب تقدير الزبون»، بحس ثورى وبحكم موهبته فى التمثيل يعشق «أشرف» مصر وشعبها، معرباً عن رفضه وصاية وغزو جماعة «الإخوان» على المصريين، متحدثاً عن العنف فى شوارع المحروسة: «مصر مقبرة الغزاة»، وفقاً لكلامه.