جابر نصار: إغلاق الزوايا في الجامعة "وجع" الجماعات المتطرفة
جابر نصار: إغلاق الزوايا في الجامعة "وجع" الجماعات المتطرفة
قال الدكتور جابر نصار رئيس جامعة القاهرة، إن إغلاق 500 زاوية صلاة في جامعة القاهرة قرار صائب.
وأضاف نصار، خلال حواره مع قناة "إكسترا نيوز"، "لو فكرت مين هايوافق ومين هايرفض قبل ما أخد القرار مش هاخد القرار، ودي مش زوايا صلاة، بس الإخوان هما اللي بيعالجوا قراراتي بمنطق لا تقربوا الصلاة".
وتابع: "دي أماكن مش مجهزة للصلاة دي أماكن عشوائية تحت بير السلم، ومافيش طهارة ومفيش تحري للقبلة، وفي 2013 كان المولوتوف بيتخبى في الأماكن دي، وقبل ما نمنع بنينا مسجدين كل واحد يسع 1600 طالب، واللي عايز يصلي لوحده في أي مكان يصلي، لما قفلنا الأماكن دي وجعت الجماعات المتطرفة، عشان كده وصل بيهم التدليس لأنهم يقولوا إني بمنع الصلاة، إزاي امنع الصلاة وأبني مسجدين؟".
وأضاف نصار "الرسول لم يرخص لابن أم مكتوم الصلاة في بيته وهو كفيف، فلو كل 5 عملوا مسجد لوحدهم مش حاينفع".
