"فانوس رمضان إيه.. عايزة غسالة أطباق".. طلب سيدات مصر هذا العام
"فانوس رمضان إيه.. عايزة غسالة أطباق".. طلب سيدات مصر هذا العام
- ارتفاع الأسعار
- بعد الزواج
- زواج الفتاة
- شهر رمضان
- غسالة أطباق
- فانوس رمضان
- لأول مرة
- موقع التواصل الاجتماعي
- ارتفاع الأسعار
- بعد الزواج
- زواج الفتاة
- شهر رمضان
- غسالة أطباق
- فانوس رمضان
- لأول مرة
- موقع التواصل الاجتماعي
"فانوس رمضان إيه.. أنا عايزة غسالة أطباق"، " لو بتحب مراتك لو يعني مثلا هاتلها غسالة أطباق مش فانوس رمضان"، "يا رب تجيلي غسالة أطباق عن قريب"، "أنا مش هقولكوا عاوزة فانوس والجو ده أنا كبرت عليه أنا عاوزة غسالة أطباق لمواعين رمضان الله يخليكو".. هذه كانت مطالب سيدات مصر هذا العام مع اقتراب شهر رمضان عبر موقع التواصل الاجتماعي "فيسبوك"، محاولين التعبير عن حالهم المأسوي في غسيل الأطباق بعد الفطار، أملا في أن يراها أزواجهم فيقرروا شراءها بدلا من الفانوس.
رغم اختلاف سعر الفانوس مقابل سعر غسالة الأطباق التي وصلت لنحو 16 ألف، فإنه تمنى العديد من السيدات وخصيصا من هن في بدايات حياتهم الزواجية، شراءها وخاصة في رمضان لتعب الصيام وكثرة الصحون بعد الفطار بخلاف الأيام العادية.
"فانوس إيه دلوقتي ما أنا ياما جالي، أنا شايلة هم أوي إني هعمل كذا صنف وهعزم ناس في بيتي لأول مرة وقت رمضان، فأكيد مش هقدر أغسل كل ده"، وفقا لمرام محمود التي تزوجت منذ فترة ويعتبر رمضان القادم أول شهر يمر عليها في منزلها الجديد، وتتمنى أن يجلب لها زوجها غسالة أطباق.
بينما شاركت مروة محمد عبر "فيسبوك" بطريقة طريفة بين أصدقائها وأسرتها أنها تتمنى شراء غسالة أطباق "بس مفيش مانع أن التهريج يطلع بجد وجوزي يغلط ويجبلي غسالة الأطباق"، موضحة أن المشكلة في ارتفاع الأسعار الأمر الذي يصعب شراءها الآن "أقل حاجة بـ5 آلاف جنيه ومش كويسة أوي واللي ماركة ومضمونة بتبدأ من 10 آلاف جنيه، فالوحد يحلم بس".
" في حاجات أهم أكيد من الغسالة بس يا ريت أنها تيجي".. هكذا قالت ضحى محمد التي تزوجت منذ 4 أعوام وترى أن بعد الزواج الفتاة ترتبط بالمطبخ كونها تقضي فيه فترة كبيرة، ما يجعلها تتمنى شراء أي شيء خاص بالمطبخ، "الأجهزة غليت وطبعا نفسي في غسالة بس لو جبتها تكاليف أكتر عشان معنديش صرف ليها هحتاج أكسر في الحيطة، أما الفوانيس فعندي بتوع بنتي كتير".
