بالفيديو| ضحية اغتصاب جماعي بالدقهلية: الأمن أهانوني وأحسنوا للمجرمين
بالفيديو| ضحية اغتصاب جماعي بالدقهلية: الأمن أهانوني وأحسنوا للمجرمين
روت ضحية الاغتصاب الجماعي بإحدى قرى الدقهلية، وتدعى فاطمة، تفاصيل الحادث الذي تعرضت له مساء السبت الماضي، موضحة أنها كانت متجهة إلى محل بقالة، ودخلت شارعا بجوار مسجد، وثبتها أربعة أفراد شلو حركتها، وأحدهم كتم أنفاسها ثم اصطحبوها إلى أرض زراعية.
وأضافت المدعوة "فاطمة" باكية، خلال استضافتها في برنامج "العاشرة مساء" على قناة "دريم": "واحد كان معاه سكينة، وواحد كان معاه عصاية، واحد كان لابس لبس عرب، واحد كتفني والتلاتة اعتدوا عليا، وقالولي ماحدش حايسمعك".
وتابعت: "قولتلهم خدوا الفلوس اللي إنتم عايزينها مارضيوش، قولتلهم اعتبروني أختكم، فقالي واحد منهم أنا حاعمل كده في أختي، وبعدين رموني في حتة جنب بيتنا".
واستكملت: "يوم ما روحت أعمل البلاغ عاملوني بطريقة مش كويسة في قسم الشرطة، وقالولي ألفاظ مش كويسة، مع إنهم عاملوا المتهمين بطريقة كويسة، والعمدة جه وعرضوا علينا مبالغ عشان نتنازل".
