الحجز على «أنبوبة البيت» لتأخر دفع «العوائد ورسوم النظافة»

10:42 م | الخميس 30 مارس 2017

طرقات سريعة على الباب، أثارت دهشة إلهام عبدالواحد، ربة المنزل، بقرية البساتين، فى محافظة دمياط، حيث لم تتوقع زائرين فى ذلك الوقت المبكر: «افتحى، إحنا الوحدة المحلية»، استجابت الشابة لتفاجأ بموظف يحمل محضر حجز على «أنبوبة البوتاجاز».

حوار قصير فهمت معه الأم الشابة القصة: «عاوزين رسوم النظافة والعوايد عن سنتين فاتوا، إما ندفع 76 جنيه وقتى، أو يحجزوا على الأنبوبة»، لم تصدق «إلهام» الأمر، ظنت أنه نوع من النصب أو المزاح، حيث لم تسمع عن الأمر من قبل، سألت الموظف عن وجه الاستفادة من «الأنبوبة»، فأخبرها: «بنعمل عليها مزاد علنى، وبنحصل الرسوم من تمنها، وبندفع لكم الباقى».

{long_qoute_1}

محضر الحجز الذى كان محرراً بالفعل، وصل لجميع سكان المنطقة: «المفروض كان حد جه زى بتاع النور والمية، ولو ما لقاش حد يسيب إيصال أو ورقة على الباب مثلاً عشان نفهم، لكن أنا واثقة إنه مجاش قبل كده، والنتيجة إنه أنابيب الشارع بقت فى خطر». هكذا اضطرت «إلهام» فى النهاية إلى دفع المبلغ المطلوب: «خفت على الأنبوبة بصراحة، وبعد كدا هنبقى نروحلهم أول شهر سبعة من كل سنة عشان نحافظ على محتويات المطبخ».

ليست «الأنبوبة» فقط التى قد تتم مصادرتها بسبب عدم الدفع، بحسب أحمد زيادة، رئيس قرية البساتين: «بنحجز على أى حاجة قيمتها أعلى من المبلغ المطلوب، بنبدأ بالأنبوبة، وممكن البوتاجاز، وبنوصل للتلاجة والغسالة كمان»، مسألة يفسرها الرجل بقوله: «الفلوس دى مبتدخلش جيبنا، المحافظة قرب تقفيل السنة المالية بتبعت تقولنا البيوت الفلانية ما دفعتش رسوم النظافة والعوايد، روحوا احجزوا، وعلى هذا الأساس بنعمل المحاضر وناخد الفلوس، أو ننفذ الحجز، والمحاضر يجرى تحريرها فى المقام الأول للمناطق المميزة فى المحافظة».