أغنية شعبية تتحدى ارتفاع الأسعار: ده أنا عربيتى بعتها.. على ربك ما يحلها
أغنية شعبية تتحدى ارتفاع الأسعار: ده أنا عربيتى بعتها.. على ربك ما يحلها
«الناس يابا مش عارفة تعيش، مش لاقية رغيف العيش، الأسعار مولعة نار، لا أنابيب بوتاجاز شايفنها، والناس يابا طلعت عينها، مفيش حاجة فى السوق شايفينها لا قوطة ولا خيار».. كلمات أغنية شعبية بعنوان «الأسعار» يؤديها عصام جيجا وتتناول مشكلة غلاء السلع الغذائية فى الأسواق بالإضافة إلى غياب أنابيب البوتاجاز.
الارتفاع الملحوظ فى السلع الغذائية تناولته الأغنية بشكل ساخر فى مدة لا تتجاوز 4 دقائق، حيث أكدت من خلال الأغنية «شح» بعض الخضراوات مثل الطماطم والخيار من السوق، بالإضافة إلى الارتفاع المبالغ فيه للدجاج واللحم والسمك والجمبرى والرنجة: «اللحمة ولعة نار، والكوكو ولعة نار.. الأسعار ولعة نار»، الكوميديا عنصر أساسى فى الكليب لكن هذا لم يمنع «جيجا» من اتباع مقولة: «هَم يضحك وهَم يبكى» -حسب قوله- لطرح مشكلة الغلاء التى جعلت البعض يصرفون ما فى «الجيب» حتى تستمر الحياة: «آه يانا من الأسعار ده أنا عربيتى بعتها، رحت جبت مكانها حمار على ربك ما يحلها، وأهى حاجة تقضى المصلحة مش حرام ولا عيب».
أزمة الدولار وارتفاع سعره الذى أدى إلى تدهور حال الجنيه المصرى إحدى المشكلات التى تناولتها الأغنية: «فاتحين بيوت وورانا عيال نصرف عليهم منين الحال واقف مش شغال قفلت شمال ويمين، مانا خلاص قربت أتجن راح فين الدولار والين عينى عليكم يا أهل الفن لا طبلة ولا تار».
