تطبيق لتعديل اتجاه القمر الصناعى

06:37 م | السبت 11 فبراير 2017

فى العام الأخير لسنوات الدراسة الجامعية يقوم الطلاب بتجهيز أنفسهم للقيام بمشروع تخرجهم الذى يكون بمثابة تطبيق لما درسوه، الذى يختلف من كلية لأخرى وفقاً لطبيعة ومجال كل منها، داخل كلية الهندسة قسم الطيران والفضاء بجامعة القاهرة، قامت طالبتان بعمل مشروع عبارة عن تطبيق يتعلق بالفضاء لتعديل اتجاه القمر الصناعى أو تحريكه فى أى اتجاه خارج مداره عن طريق استخدام محركات تسمى «thrusters».

فتقول نهى محمد على، من أعضاء المشروع: «المشروع عبارة عن محركات صغيرة بتتركب على جسم القمر الصناعى وليها أنواع كتير زى electric thrusters اللى بتعتمد على وجود فرق جهد بيولد قوة الدفع وكمية الحركة اللى بتدفع القمر».

وأضافت «نهى»: «إحنا اشتغلنا على نوع من electric thrusters اسمه ion thruster وبيعتمد أن يبقى عندك غاز خامل بس تقيل زى الزينون، ولما بيتم تأيينه بيتحول لبلازما والبلازما بتتأثر بالمجالين الكهربى والمغناطيسى وبتتسبب فى وجود أيونات موجبة وإلكترونات سالبة على جسم الـthrusters وبتندفع الأيونات الموجبة بره بسرعة كبيرة بسبب وجود فرق جهد، وده اللى بيدى كمية الحركة اللى بتحرك القمر الصناعى».

وأوضحت «نهى» أن هذ الفكرة تطلبت منهم دراسة خصائص المحركات والعمليات التى تتم داخلها لاختيار مادة مناسبة لهذه المهمة.

وعبرت «نهى» عن سعادة أساتذة الكلية بمشروعها الذى حاز على تقدير امتياز «الدكاترة كانوا مبسوطين مننا جداً إننا عملنا عن الموضوع ده خصوصاً أن مفيش ناس كتير يعرفوا عنه وإحنا دورنا لحد ما فهمناه».

وأضافت «نهى» أن مشروعهم تم تنفيذه بواسطة برامج متخصصة، لذلك لم يتمكنوا من تطبيقه فى الواقع لعدم وجود إمكانيات مادية وتصاريح «إحنا نفذنا المشروع على برامج كمبيوتر متخصصة، لأن التنفيذ فى الواقع محتاج إمكانيات مادية كبيرة مش موجودة عندنا فى الكلية ومفيش تطبيق غير فى السويس وماكانش ينفع فى موضوعنا اللى يعتبر جديد، ومفيش ناس كتير تعرف عنه وحتى البرامج اللى اشتغلنا عليها معظمها بفلوس، والكلية مش بتوفرها فاضطرينا نبعت للشركات أصحاب البرامج إننا بنعمل مشروع فوافقوا يوفروه لنا لمدة 30 يوم، ودى طبعاً مش مدة كافية بس إحنا ضغطنا نفسنا».