بعد "الإساءة لعمرو دياب".. شيرين تعتذر: كنت مبسوطة وبهزر

07:38 م | الاثنين 23 يناير 2017

قدمت المطربة شيرين عبدالوهاب اعتذارا عما اعتبره كثيرون "إساءة" للنجم الكبير عمرو دياب، وأرسلت شيرين اعتذارها في رسالة نصية للإعلامية اللبنانية نضال الأحمدية.

ونشرت نضال رسالة شيرين، وجاء نصها: "بصي يا روح قلبي، على فكرة مافيش حد كبير على الغلط، أنا عايزة أوضح لك إن أنا كنت ساعتها بهزر، وكل واحد من اللي اتكلمت عليه، قيمته كبيرة عندي، وأنا كنت في حفلة خاصة، وكنت بهزر، لكن لما بطلع على (التي في) بدي لكل واحد قيمته، ومستحيل أتطاول على حد أياً كان، حتى لو كان حد بيكرهني أو أنا بكرهه، مستحيل أطلع أهزق حد ولو تلاحظي حتى في الفيديو أنا قايلة على نفسي وعلى أصالة، يعني أنا كمان غلطت فيا وفي أصالة، فأنا كنت ساعتها بهزر، وكنت مبسوطة، وفي حفلة خاصة يعني".

وأضافت شيرين، في رسالتها، قائلة: "في الآخر مافيش حد كبير على الغلط، ومافيش حد كبير على الاعتذار".

وتابعت: "أنا مش عايزة حد يزعل، مني على فكرة، هرجع وأقولك تاني، أنا والله العظيم وحياة بناتي أنا نيتي ماكنش فيها أي حاجة وحشة، ولا إن أنا بقلل من شأن حد، أنا كنت بهزر، بدليل إني هزرت عليا وعلى أصالة اللي كانت موجودة، وقاعدة على نفس الترابيزة اللي أنا قاعدة عليها".