«هنا المحروسة».. مبادرة لتنشيط السياحة الداخلية
«هنا المحروسة».. مبادرة لتنشيط السياحة الداخلية
ليه تسافر تلف بلاد بره لما أنت عندك أماكن فى بلدك عينك لسه ماشفتهاش».. مبادرة لتنشيط السياحة الداخلية وزيادة الوعى بالآثار لكل مواطن، بدأت أمس الأول جولتها رقم 32، «هنا المحروسة» فكرة بدأها المهندس معتز زكريا منذ أن كان طالباً جامعياً عام 2011 بهدف تعريف المصريين بالوجه المخفى من تراث بلدهم. «المشاهدة أسهل الطرق للمعرفة» طريقة ابتكرها فريق المبادرة، حيث يستغل المهندس العشرينى الاستعداد الذهنى لدى المواطنين «ساعة الصبحية» لتنفيذ جولاته بين المساجد والكنائس والمناظر الطبيعية، يؤكد «معتز»: «الجولة تبدأ من 5 أو 6 الصبح لو مسافرين، أما لو هنبدأ عادى ممكن تبقى من 9 أو 10 على حسب طبيعة المكان اللى هنزوره». مشكلات ومعوقات تعترض الهدف الوطنى لدى الشاب العشرينى، فالروتين والشروط المجحفة للمجلس الأعلى للآثار حالت دون إقامة مهرجان سعى لتنفيذه داخل وكالة «الغورى»، يتحدث عن الصدمة التى لحقت به «رحت المجلس الأعلى للآثار عشان أمضى الورق قالولى عشان تأجر المكان تدفع من 15 إلى 22 ألف جنيه وأنا كنت طالب ومش هقدر طبعاً». وتقول منار عبدالفتاح إحدى أعضاء الفريق «عددنا النهارده وصل لـ200 شخص، وكلنا عاملين زى خلية النحل عشان نخرج اليوم بشكل ممتع»، تشيد عضوة الفريق بالدور الذى قامت به المبادرة فى حياتها قائلة: «أنا فعلاً حياتى اتغيرت لما شاركت فى هنا المحروسة».
