والدة ماجي مؤمن تكشف تفاصيل جديدة بشأن انفجار "البطرسية"
والدة ماجي مؤمن تكشف تفاصيل جديدة بشأن انفجار "البطرسية"
سردت الدكتورة نرمين سمير والدة الطفلة ماجي مؤمن، ضحية انفجار الكنيسة البطرسية بالعباسية، تفاصيل الحادث، قائلة: "ماكنتش فاهمة إن اللي حصل ده انفجار أنا قولت النجفة وقعت، أو حصل ماس كهربائي، ولكن أول ما قومت لاقيت أشلاء وتراب ودماء ملأت الكنيسة".
وأضافت خلال حوارها على قناة "مي سات" القبطية: "أول ما قومت قعدت أدور على ماجي لأنها كانت على رجلي ووخداها في حضني، لاقيتها مرمية جنبي ودماغها بتكب دم في إيدي، ساعتها بدأت أفهم بقى إن اللي حصل ده تفجير لما لاقيت الناس كلها بتأن وتتوجع، على ما دورت على بنتي التانية كانوا شالوا ماجي وحطوها في عربية إسعاف، ركبت عربية إسعاف عشان أدور عليها، روحت مستشفى الدمرداش ملاقتهاش".
وتابعت: "الناس اللي في المستشفى قعدوني على كرسي وتعاملوا معانا بإنسانية جدا، ولكن مكنش لديهم إمكانيات في المستشفى للتعامل مع الكم الهائل من المصابين، اتصلت بجوزي وقولتله، جالي على طول، قعد يدور على ماجي لاقها في مستشفى دار الشفاء وحالتها مستقرة".
