التضامن الاجتماعى بمطروح: "أي حضانة هتبث فكر سياسي أو إهانة للدولة هقفلها"

01:32 م | الأحد 04 ديسمبر 2016

قال أحمد خير الدين، مدير عام مديرية التضامن الإجتماعى بمطروح، إن "أى حضانة هتبث فكر أو تيار معين أو حاجة سياسية أو يهينوا الدولة أو مؤسسات الدولة وأن أى حضانة سيأتى منها شكوى سأتحقق منها وسيثبت معهم ذلك هقفل الحضانة فورا".

وأكد خير الدين، اليوم، لـ"الوطن"، "ممنوع أى حضانة تلقن الأولاد بأشياء مخالفة وأى حضانة هتلقن الأطفال بأشياء فيها أضرار على الدولة أو سب للدولة أو تضر برموز الدولة وأى شىء من هذا القبيل هوقفها على الفور وسأحول الموضوع للنيابة العامة".

وأوضح خيرالدين، "أن أى نشاط هيدار بدون ترخيص مثل الحضانه هيعرض صاحبة للمسئولية القانونية وهنبلغ فية النيابة العامة على طول وفى لجان من الصفولة والأمومة بتنزل من عندنا ويتم حالة ثبوت هذة المخالفات عمل إنذار للمكان وهنبلغه بإغلاق المكان حتى يقوم بالترخيص وصاحبة، أو سواء كان هذا مكتب تحفيظ قرآن لابد أن يأتى بمحفظ ويجيب شهادة من الأوقاف أنه محفظ قرآن أو يرخص حضانه ولو مفيش هذا الكلام ومصر وهيشتغل هنبلغ بية طبقا لقانون الطفل وعندنا جهازين للشئون القانونية بتاعتنا وهنحوله للشئون القانونية إن اللى هيخالف هتاخد معاه إجراء وهحولة للنيابة العامة".

وأضاف: "جيت مطروح لقيت حضانات مهمله وأنا بنفسى نزلت لهم للمرور عليهم"، قائلا "لابد أن تكون الحضانات نظيفة والتراخيص تكون متعلقة واللائحه بالأسعار فى الحضانه متعلقه وواضحه للمواطنين وكل من يعمل فى الحضانه له فيش جنائى لأن مينفعش أشغل حد يكون عليه قضايا ومتهم أو علية علامات الإستفهامات لأن الست اللى بتراعى الأطفال هتكون أمينة على إبنى والدادات لازم يكون ليهم كشف طبى".