مشاجرات «التعريفة الجديدة»: مش دافع

08:44 م | الأربعاء 23 نوفمبر 2016

مشاجرات عديدة اندلعت بين الركاب وسائقى التاكسى الأبيض، منذ اليوم الأول لتطبيق التعريفة الجديدة، فعدد كبير من سائقى التاكسى تعجل فى تطبيق الأجرة الجديدة قبل أن يضبط عداده فى إدارة المرور، منهم سائقون شغلوا العداد القديم وفرضوا على الركاب 5 جنيهات زيادة على المبلغ الذى يحدده العداد، ومنهم من أغلق العداد واعتمد على نظام المقاولة، وهو ما رفضه الركاب الذين فاض بهم الكيل من استغلال السائقين.

{long_qoute_1}

«من ساعة الزيادة اللى إحنا مش عارفين نقدرها وإحنا بنتخانق كتير مع سواقين التاكسى، كله قفل العداد وشغال مقاولة، طب لو انتو عايزين تتحاسبوا بالتعريفة الجديدة ظبطوا العداد، ولا انتو لقيتوها فرصة تستغلوا الناس»، بلهجة غاضبة عبر محمد وليد عن ضيقه من تصرفات سائقى التاكسى الأبيض: «محدش بيرضى يفتح العداد وبيحسبوا المشوار بمزاجهم، ركبت من جسر السويس للشيراتون، السواق يقول لى عاوز 25 جنيه والمشوار بـ15، بعد خناق دفعت الـ20 ومشيت»، موضحاً أنه عندما يطلب من السائقين فتح العداد يكون ردهم الوحيد عليه «العداد بايظ».

محمد أحمد يعانى من المشكلة نفسها: «بسبب جشع السواقين أنا قللت ركوب التاكسى، مش بركب غير فى المشوار اللى أنا عارف سعره ولما يطلب زيادة بعترض»، مشيراً إلى أنه دائماً ما يطلب من السائق فتح العداد وإذا رفض يرفض الركوب.

وجهة النظر الأخرى يتبناها السائقون الذين يشكون أيضاً من الركاب وحسب هيثم رضا، سائق: «الركاب مش هاين عليهم يدفعوا، واحد ركب معايا عايز يروح السيدة زينب ويدفع 15 قلت له 20 مرضيش، قلت له طب أشغل العداد برضه مرضيش».

أما محمد السيد، سائق، فيقول إنه يعانى منذ تطبيق التعريفة الجديدة: «لسه واحد متخانق معايا لأنه عاوز يدفع 5 جنيه والعداد عامل 10، بس دفّعته ونزلته».