إيناس عز الدين عن "قطتها": أطهر روح دخلت حياتي

01:49 م | الأربعاء 23 نوفمبر 2016

أعربت المطربة الشابة إيناس عز الدين، في تدوينة عبر صفحتها على "فيس بوك"، عن حزنها بسبب مرض قطتها، وطالبت جمهورها بالدعاء لها.

وكتبت إيناس، في تدوينتها: "إيفا لسه عايشة وهافضل أحاول وأعافر معاها لحد إرادة ربنا ما تنفذ، سواء بإنها تموت أو تعيش.. أول مرة النهارده تبصلي كأنها بتكلمني وبتسمع كلامي وبتتفاعل معايا وبتحرك راسها وعيونها، وأنا بكلمها وبقولها اجمدي واقوي وخليكي معايا وما تسيبينيش، وأنا هاعمل اللي ربنا يقدرني عليه ومش هاستسلم إلا لو ربنا أراد إنك تفارقيني".

وأضافت: "أملي في ربنا أكبر بكتير من كلام دكتور إو اتنين أو عشرة، رب العالمين اللي بيحيي العظام وهي رميم قادر يخليها تقوم من تاني، ربنا يطبب على روحك يا أطهر روح دخلت حياتي، ادعولها لأن الدعاء بيغير القدر، وماحدش يستهزأ بكلامي لمجرد إنها قطة، لأن روحها أجمل وأنضف وأطهر من أي إنسان قابلته في حياتي.. اوعوا تستهزؤا بروح، عندي ثقة في الله إنها هاتعيش".