بالصور| سما المصري تعلق على حضورها مهرجان القاهرة: "أنا اللهو الخفي"

04:40 م | الجمعة 18 نوفمبر 2016

علقت الفنانة سما المصري على تساؤلات حضورها مهرجان القاهرة السينمائي، قائلة: "صباح المهرجانات الحلوة، الناس بتسأل أنا روحت إزاي المهرجان، ومفيش معايا دعوة من إدارة المهرجان مباشرة، فعلا المهرجان مابعتش دعوة ليا، بس أنا كان معايا دعوة جاية لي من المهرجان، مش من إدارة المهرجان، ودخلت بيها عادي، مش كل الدعوات إدارة المهرجان اللي بتبعتها للناس".

وأضافت سما عبر حسابها الشخصي على "إنستجرام"، :"أنا اللهو الخفي، أدخل في أي مكان في أي وقت، في ناس هتموت وتعرف دخلت إزاي مع إن أكتر من نص اللي كانوا موجودين لا فنانين ولا حد عارفهم دخلوا إزاي، بس هي سما حراقه شوية، أنا هاموتهم مشلولين أو محروقين".

تابعت: "هو في حد عمل حس للمهرجان غيري، واستنوني بأه عشان هتلاقوني في مهرجانات كتير بعد كده، حراقة جدا أنا".

وكانت الفنانة سما المصري كانت قد أثارت الجدل بعد حضورها مهرجان القاهرة السينمائي الدولي بفستان عاري، مثير للجدل، مما استفز الكثير من الحضور، والمتابعين، وأثار تساؤلات الجميع عن سبب حضورها، وما علاقاتها بالمهرجان، ومن الذي قام بدعوتها.

ومن جانبها قالت ماجدة واصف، رئيس مهرجان القاهرة السينمائى الدولى، إن إدارة المهرجان لم توجه دعوة إلى سما المصري، ووجودها كان مفاجأة على السجادة الحمراء.