أحمد زاهر يكشف سبب غيابه عن "القاهرة السينمائي": "معرفش أكون متناقض"

02:50 م | الجمعة 18 نوفمبر 2016

كشف الفنان أحمد زاهر، سبب غيابه عن افتتاح مهرجان القاهرة السينمائي الدولي، عبر حسابه الرسمي على "فيس بوك".

قال زاهر: "طيب بما إن المصدر بيسيح وبيفضح الفنانين اللي مراحوش فمن حقي أدافع عن نفسي، رغم استلامي الدعوة قبل المهرجان بـ 3 أيام، أنا كان عندي تصوير في نفس اليوم في ديكوري ومفيش مشهد من غيري في استوديو المغربي، وبيتهيالي تقدروا تتاكدوا من ده وحاولت تأجيله معرفتش طب اعمل ايه".

وأضاف: "ثانيا، بصراحة مش مقتنع أني أكون سعيد ومتشيك وبضحك قدام الكاميرات والناس عشان مهرجان بلدي، وأنا حزين ومتدمر عشان وفاة الفنان محمود عبدالعزيز، وتاني يوم أكون في العزاء حزين ومتاثر، ايه التناقض ده، أنا معرفش أكون متناقض يعني حتى لو مكانش عندي تصوير مكنتش هروح لان مبعرفش أكون متناقض".

تابع: "وأكيد زملائي كان عندهم ظروف برضه، لأن أكيد نتمني جميعا الحضور ودعيم مهرجان بلدنا، وعلي فكره أنا مش بلوم أي حد من زمايلي اللي راحوا المهرجان مهو لازم ناس تروح و تدعم المهرجان، ويكون عندها القدرة على أنها تفصل ولكن أنا بتكلم عن نفسي، أنا اللي مقدرش هى قدرات وللأسف القدرة دي مش عندي، وعموما ألف مبروك لافتتاح مهرجان بلدي، وأتمنى له كل النجاح و التوفيق والازدهار".