بالفيديو| بائع: الخضار كل يوم بسعر.. وربة منزل: الأسعار غالية جدا

07:45 م | الاثنين 07 نوفمبر 2016

شهدت الأسواق المصرية ارتفاعا ملحوظا في أسعار المنتجات الغذائية بعد قرار البنك المركزي يوم الخميس الماضي، بتحرير سعر صرف الجنيه "تعويم الجنيه"، وكذلك قرار الحكومة برفع جزء إضافي من دعم الوقود.

وقال جمعة، بائع خضار: "الأسعار كل يوم بسعر، يعني البطاطس واخدها من التاجر إمبارح بـ5.5 جنيه النهارده بيوزنهالي بـ6 جنيه، ولما أقوله ليه حرام يقولي عاجبك كده خد مش عاجبك بلاش، وكل ما نكلمه يقولك الدولار، ومش عارفين الحكاية إيه"، وتابع: "الأسعار غالية على الناس هيجيبوا منين يعني".

وقالت ربة منزل: "الأسعار عالية جدا، ودة ميرضيش ربنا اللي بيحصل ده، الناس غلابة ومش لاقية، يعني لما أجيب البصل بـ5.5 جنيه بعد ما كنت مستغلياه بـ4 جنيه، البطاطس وصلت 7 جنيه والخيار 5 جنيه والبسلة 10 جنيه يعني حرام بجد، هنجيب منين".

وأشارت ربة منزل أخرى إلى أنها بدل شرائها لكيلو من الخضار والفاكهة ستضطر لشراء حبة او حبتين فقط من الطماطم أو الخيار أو الفاكهة على قدر استهلاكها اليومي فقط وذلك لزيادة الأسعار زيادة رهيبة.

وأكد رب أسرة على زيادة أسعار الفاكهة والخضار كل يوم، وتابع: "هنعمل إيه يعني راضيين بالأمر الواقع".