«فريندزون» فيلم قصير لجمهور «فيس بوك»: يلا سينما

10:33 م | السبت 05 نوفمبر 2016

إنتاج فيلم روائى قصير وطرحه على موقع «فيس بوك»، هى الفكرة التى راودت هادى محمد، وبمساعدة عدد من الشباب المتحمس للفكرة نجح فى إنتاجها ويستعد لطرحها خلال أيام على جمهور «السوشيال ميديا»، وهو جمهور ضخم لا يستهان به، «الفريندزون»، اسم الفيلم الذى حدد «هادى» فكرته، وكتبه شريف عبدالهادى وأحمد عبدالهادى وأخرجه أحمد عبدالهادى.

«الفيلم بيتكلم عن الفريندزون يعنى علاقة حب من طرف واحد، العلاقة اللى الكل بيخاف يقع فيها وتضيع مشاعره وأحاسيسه»، كلمات «هادى»، الذى روى تجربته فى إنتاج فيلم وطرحه على «فيس بوك»: «تعبت إنتاجياً جداً، كنت مؤمن بفكرتى وحابب أوصلها للناس، اشتغلت أكتر من سنة ونص فى كول سنتر، وكل مليم كسبته حطيته فى الفيلم عشان يشوف النور والناس تستمتع بيه». باهر الشافعى، له تجارب مختلفة فى إعلانات ناجحة، رحب بالعمل فى الفيلم، وانضم إليه كل من ريسام سلامة وإيمى، واكتمل فريق عمل الفيلم بعد تحديد أبطاله: «مخرج الفيلم ساعدنا كتير بفضل توجيهاته خاصة أن العمل للفيلم يختلف عن عمل الإعلانات». قيام «هادى» بطرح الفيلم على الإنترنت، لم يكن اختيارياًش فهو يؤمن بدور السوشيال ميديا، وفى الوقت نفسه بوجود أزمة فى عدم استيعاب أفكار الشباب ومواهبهم التمثيلية والكتابية والإخراجية: «طالما عندك فكرة مقتنع بيها مش لازم تستنى ظروف إنتاجية وتلف على مكاتب إنتاج، انتج لنفسك وقول أنا موجود.