بالفيديو| شهود عيان يكشفون تفاصيل "انفجار جسر السويس"

08:52 م | الجمعة 28 أكتوبر 2016

قال شاهد عيان على انفجار عبوة ناسفة في جسر السويس بالقاهرة: "أنا سمعت انفجار جامد جدا تخيلت للوهلة الأولى إن في حاجة حصلت في الشقة عندي، طلعت جري ملقتش حاجة بصيت من البلكونة لقيت غبار جامد ولقيت عربية منفجرة وتقريبا كان في دورية أمنية معدي ودي عربية منهم، وكان معدي في نفس الوقت الراجل بتاع الزبالة اتصاب هو وابنه والحمار بتاعهم مات، محدش عارف إيه اللي حصل، هو فجأة الدنيا اتقلبت وبقى في انتشار أمني".

وقال شاهد عيان آخر: "وإحنا جايين في الشارع سمعنا الصوت، افتكرنا فردة كاوتش، وبعدين لقينا الشرطة وبيقولوا في راجل اتوفى اللي هو بتاع الزبالة بس".

وأوضحت الداخلية، في بيان لها، أن الحادث لم يسفر عن حدوث أي خسائر بالقوات، بينما أسفر عن إصابة اثنين من المواطنين تصادف مرورهما، وتم نقلهما إلى المستشفى لتلقي العلاج، حيث توفي أحدهما متأثراً بإصابته، وتكثف الأجهزة الأمنية جهودها لضبط مرتكبي الواقعة.

وانفجرت عبوة ناسفة بدائية الصنع، اليوم الجمعة، كانت موجودة على جانب الطريق بشارع جسر السويس بمنطقة عين شمس أثناء مرور إحدى الدوريات الأمنية.