20 عاماً يعمل فى إعادة تدوير الخشب

08:28 م | الاثنين 26 سبتمبر 2016

20 عاماً يعمل فى إعادة إنتاج الخشب، يشترى الأشجار من التجار ويحولها إلى منتجات صغيرة، مقشات وأدوات منزلية وعمالية، وصل عمره إلى 70 عاماً، ولم يفكر فى الراحة أو الاعتماد على أبنائه الـ20. لا يرى فاروق أنور، أى أمل فى مهنته أو المهن اليدوية الأخرى: «الشغل اليدوى فى مصر مش متقدر ولا أى جهة بتدعمه علشان كده أصحابه بيعانوا»، بعض أصحاب الصناعات اليدوية تركوا صناعاتهم واتجهوا إلى أعمال أخرى تُدر لهم دخلاً وفيراً، وقلة فقط هم المتمسكون بالعمل القديم، منهم «فاروق» الذى تعلم المهنة فى 3 سنوات وعمل بها أكثر من 50 عاماً: «المهنة خلاص بقى حالها صعب، لكن هاروح فين، وأشتغل إيه، أحسن ما أمد إيدى لحد».

{long_qoute_1}

يحمل «فاروق» همّ أولاده وهمّ الشباب عموماً: «ربنا يكون فى عونهم، العيشة صعبة عليهم، لا شغلة ولا مشغلة، ومعاهم عيال، دايماً باسأل هو فين مستقبل الشباب، أنا شايل همّهم كلهم، مش ولادى بس».

قبل سنوات طويلة كانت مهنته رائجة، وكان يجد فيها فرصة للتكسّب أما الآن فالحال لا يسر: «كان فيه شغل، هات وخد، لكن دلوقتى الديون زادت، وحالنا صعب ومحدش بيبص لأى حد شغال فى الصناعة اليدوية».