بالصور| 5 أسر مهددين بـ"التشرد" في أسيوط: الصرف الصحي هيقضي على حياتنا

12:09 م | الثلاثاء 13 سبتمبر 2016

بين مجلس مدينة "شونة الملح" في مركز أبوتيج بأسيوط، وبين محطة الصرف الصحي في أبوتيج، يقضي عبدالرحيم بدوي صالحين وشهرته "السادات"، وقته، للتضرر من مياعه الصرف الصحي التي أغرقت منزله، الذي يضم 5 أسر، مهددة بالتشرد في حال انهيار المنزل.

يقول عبدالرحيم بدوي صالحين، وشهرته "السادات"، أحد سكان العقار المهدد بالانهيار: "مش عارف أروح فين ولا اعمل إيه، مفيش باب إلا ورحته، رحت لمجلس المدينة ومحطة الصرف الصحي في أبوتيج ومفيش فايدة، بيقولولي أصل بيتك واطي عن باقي البيوت في الشارع، بيتي مهدد بالانهيار عليه بسبب المجاري، بقينا عايشين وسط بركة صرف الصحي".

يضيف بدوي، لـ"الوطن": "قضينا العيد أنا وأولادي في نزح مياه الصرف، لفينا على جميع الأبواب، لكن عشان انا غلبان محدش عبرني، وميّة الصرف غرقت خزين البيت كله، ده غير الناموس والريحة الوحشة".

وطالب بدوي، شركة الصرف بشفط مياه المجاري، يقول: "مش عارفين ناكل ولا نشرب من ميّة الصرف، لو رئيس شركة الصرف حصل معاه اللي حصل معايا أنا وولادي، يقدر يعيش وسط ميّة المجاري كده، ولا هو بشر وإحنا ﻷ".