منير بوعساف لـ اليسا: نجاحك صدفة وبطلي غطرسة وتكبر
منير بوعساف لـ اليسا: نجاحك صدفة وبطلي غطرسة وتكبر
شن الشاعر اللبناني منير بوعساف هجوماً حاداً على المطربة اللبنانية اليسا بعد طرحها لألبومها الغنائي الجديد "سهرنا ياليل".
وكتب "بو عساف" عبر حسابه الشخصي على موقع "فيس بوك":"بتجرد وبموضوعية سمعت ألبوم النجمة الكبيرة تا شوف وين الإبداع والذوق بالإختيار والإحساس العالي، جربت جرد حالي من تأثير نجوميتها عا حِكمي حتى ما كون عم حِب الأغاني لأنو لازم يكونوا حلوين بمجرّد ما تكون هيي عم تغنيهن".
مضيفاً: "فا لقيت إنو يللي عاملتو من ملل بالألحان والجرايد الكلامية بالأغاني ونوعية وشكل الأغاني يللي ما بيخدم أي فنان على المسرح، وايقاع غربي مبالغ باستعمالو بأغلبية الأغاني ولت وعجن ورتابِة، هودي كلن غَلبوا وأطاحوا بتأثير نجوميتها عليي وكانوا كفيلين يخلوني إتأكد إنو في كتير فنانين بتصير معن النجاحات بالصدفة المطلقة ومش من ذوق رفيع واختيار بذكاء وحِنكة واحساس عالي".
واختتم: "ضيعان الوقت والمال يللي عم ينهدر عا 15 و16 أغنية بالبوم واحد مصيرن النسيان حتى ما قول شي تاني، والتغطرس والتكبر والإدعاء وسياسة الرأي الأول والأخير لي وأنا اللي بفهم وبحِس، بحِس رح يقضوا عليها فنياً".
