وزير الرياضة: "ماعرفش حاجة عن استضافة مصر أوليمبياد 2032"
وزير الرياضة: "ماعرفش حاجة عن استضافة مصر أوليمبياد 2032"
قال المهندس خالد عبدالعزيز، وزير الشباب والرياضة، إنه لا يعلم شيئا عن الكلام المثار من لجنة شباب والرياضة بمجلس النواب عن استضافة مصر لدورة الألعاب الأولمبية 2032.
وأضاف وزير الرياضة، لبرنامج "ملعب 9090" على إذاعة الراديو 9090: "أنا دايما متعود على الشفافية، ماكنش فيه تنسيق بين لجنة الشباب والرياضة في الكلام ده، ولو مصر قدمت ملفها لاستضافة هذه الدورة، يعني مش هيكون قبل من سنة 2024، يعنى أغلب المسؤولين اللي موجودين دلوقتي مش هايكونوا موجودين".
وتابع: "لكن برضو لازم نكون مستعدين لكل حاجة، يكون عندنا خطة واضحة، وتكون عندنا قواعد واضحة، يعني وقت ما نبني أي منشأة رياضة نراعي فيها استضافة بطولة عالمية، ونحاول بقدر الإمكان إننا نبنيها بالقرب من المطارات، يعني اللي أقصده بالكلام ده إن يكون هناك تخطيط وتنسيق بين جميع الجهات، حتى تكون هذه المنشآت صالحة لاستقبال البطولات العالمية".
وأكمل: "عملنا أكتر من 2600 ملعب على مستوى الجمهورية، وقبل نهاية السنة دي هنكون انتهينا من إنشاء 3 آلاف ملعب، وفي نهاية سبتمبر 2017 هايكون عندنا 4 آلاف ملعب، وده من المشاريع العملاقة اللي طالب بيها الرئيس عبدالفتاح السيسي".
