بعد إهدائها "شوكولاتة باريس".. إدوارد يرد على آيتن عامر: "عنيا ليكي"

11:43 ص | الجمعة 12 أغسطس 2016

رد الفنان إدوارد، عبر حسابه الرسمي على موقع التواصل الاجتماعي "إنستجرام"، على شكر الفنان آيتن عامر، له بعد إهدائه لها "شوكولاتة"، قائلا: "أختي عيني ليكي طبعا".

وقالت آيتن، في رسالتها لإدوارد: "ويا بخت اللي عنده صاحب جدع.. من كام يوم وإحنا بنصور إدوارد قاللي أنه طالع فرنسا مع أسرته إجازة قلتله إن في محل شيكولاتة أنا بحبه أوي هناك، وطلبت منه أنه يجيبلي علبة، قالي ابعتيلي صورة العلبة وأنا أجيبهالك".

وأضافت: "طبعا هو سافر وأنا نسيت أصلا.. قوم ايه؟ آلاقيه بيتصل مخصوص من هناك ويقولي ابعتي صورة علبة الشيكولاتة عشان الحق أدور على المحل وأجيبهالك.. وطبعا دة لو حد تاني كان عمره ما افتكرني أصلا، وفعلا جابلي الشيكولاتة وبعتلي صورته من قدام المحل.. شكرا صديقي وأخويا العزيز، ويا رب بعد اللي حكيته ده الشيكولاتة متضربش عين، وتوصل بالسلامة أنت وأسرتك وعلبة الشيكولاتة".