نشوى مصطفى عن أزمة ارتفاع الأسعار: "إحنا في شدة وهتزول بإذن الله"

02:21 م | الثلاثاء 02 أغسطس 2016

أثارت الفنانة نشوى مصطفى، الجدل عبر حسابها الرسمي على "فيس بوك" بمنشور قالت فيه: "استحمل الجوع، لكن ما أستحملش الذل بعيد عن مصر، ليه بأقول الكلام، لأن كيلو الفراخ الفيليه اللي في رمضان كان وصل لسبعين جنيه، النهاردة اشتريته باتنين وأربعين جنيه، ودعيت ربنا يارب يبقى بعشرين علشان الغلابة".

وتابعت:"الست المصرية تعرف تحبأ وتدبأ ماعرفش المعنى الحرفي لكن بالشبه كده تعرف تمشي بيتها بأقل فلوس، الست المصرية تعرف تستر بيتها، وأنا أستحمل الجوع لكن ما أستحملش إني ما يبقاش ليا وطن، وللعلم أنا زوجي مصري يحمل الجنسية الأمريكية، ورفضنا نسيب بلدنا ونروح نعيش في أمريكا، الوطن غالي، ربنا يعز كل إخواتنا العرب اللي خربوا بلدهم وعايشين بعيد عن أوطانهم، بالمناسبة أنا ولله الحمد ساكنة في منطقة تصنيفها منطقة راقية، سيدات الحي اللي ساكنة فيها عرفوني أماكن بيع حاجات للبيت بأرخص الأسعار ومضمونة لأنها من منافذ الجيش".

واستطردت الفنانة: "اللحمة بستين جنيه والمفروم بتسعة وثلاثين كرتونة المياه بأربعة وعشرين جنيه، وبره بستة وثلاثين، الزيت والرز والمكرونة والزيتون والمربى، فرق الأسعار أرخص من برة بنسبة أربعين في المية، نساعد بعض، إحنا في شدة بس والله شدة وحتزول، تحيا مصر حرة".