أحمد حلمي يوجه رسالة إلى محمد رمضان بسبب "صورة السيارتين"

02:09 ص | الاثنين 25 يوليو 2016

نفى الفنان أحمد حلمي، ما تم تداوله على موقع التواصل الاجتماعي، عن توجيهه رسالة انتقاد إلى الفنان محمد رمضان، من خلال نشر صورة بجوار سيارته للرد على تباهي "رمضان" بشراء سيارتين فارهتين، اقترب سعرهما من 8 ملايين جنيه.

وقال، عبر صفحته الشخصية "فيس بوك"، "أعزائي الكرام.. توضيح بسيط وسريع بخصوص ما حدث بعد نشر الصورة بتاعتي وأنا راكب العربية الميني القديمة اللي كانت معايا في فيلم ظرف طارق.. واللي الناس فهمت إنها بغرض إني بوجه رسالة لزميلي الفنان (محمد رمضان) وهذا ما أحزنني كثيرا".

وتابع، "يا جماعة أنا لو عايز أوجه رسالة لأي حد أعرفه كويس أو حتى ماعرفوش مش هعمل كده على مواقع التواصل الاجتماعي، لأني عمري ما عملت كده أبدا لأني ببساطة ممكن أبعتله رسالة على موبيله أو هكلمه في التليفون".

وعاتب حلمي عددًا كبيرًا من نشطاء موقع التواصل، بسبب تحريف كلامه قائًلا: "الكلام اللي كان مكتوب تحت الصورة اللي كتير من الناس معرفش إزاي بجد فسروه بالطريقة دي مع إنه فعلا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا و ليه علاقة بالعربيه الميني، علشان كده نهيت الكلام المكتوب بـ"ده كلام في سرك ششش".

ووجه حلمي رسالة إلى الفنان محمد رمضان، قائًلا: "زميلي العزيز محمد رمضان، ربنا معاك و يوفقك دايما وتحقق كل اللي نفسك فيه في حياتك الفنية".