الثامنة مكرر في الإسكندرية: "سهر الليالي مرحش على الفاضي"

02:30 م | الأحد 24 يوليو 2016

"أنا مصدومة بعد كل اللي حصل في الثانوية العامة وترسيبات وتأجيل امتحانات.. أنا توقعت إني مش هكون من الأوائل وتعبي وسهر الليالي حيروح على الفاضي، بس ربنا مش بضيع حق حد"، هكذا عبرت رضوى كمال عبدالمنعم، ثامنة مكرر أدبي بمجموع 408 درجات، بمدرسة هدى شعراوي الثانوية بنات إدارة شرق بالإسكندرية، عن سعادتها.

وقالت: "أول ما الوزير كلم ماما وقالها في التليفون وكانت بتراجع معاه البيانات، أنا مصدقتش نفسي وقولتها لازم نتأكد ولما قال اسمي في المؤتمر الصحفي لحد الآن مصدومة ومش مصدقة".

وأضافت: "أنا بقول لكل طالب ثانوية عامة تعب بجد وأخلص في تعبه ربنا حيفرحه علشان اللي حصل السنة دية كان غريب ومش متوقع إحنا الدفعة المظلومة بسبب التسريبات".

وتابعت: "‘حنا بنفضل سهرانين طول الليل ونتعب وفي الآخر يجي واحد يأخذ امتحان متسرب وينجح، بجد حرام لازم المهزلة دية تقف والإجراءات تبقى حازمة".